Bantu ya misokosi lenda sala beto mpasi na nzutu mpe na makanisi. Balenda lembisa beto ata na kimpeve kana bakena kutelemina nsambudulu na beto. Yinki mutindu nge lenda kukitanina kana bakena kusokosa nge?

Bisadi mingi ya Yehova nungaka misokosi na kutudilaka Yehova ntima. (Nk 18:17) Na kifuani, Estere bundulaka lukanu yina Hamani muntu ya misokosi bongisaka. (Est 7:1-6) Tekila yandi sala yau, yandi monisaka ti yandi vuandaka tudila Yehova ntima na kumangaka kudia. (Est 4:14-16) Yehova sakumunaka diambu yina yandi salaka mpe yandi taninaka yandi mpe bantu na yandi.

Ntuenia, kana bantu kena kusokosa nge, lomba lusadusu na Yehova mpe tubila diambu yango na mbuta mosi yina kele ya kuyela na kimpeve, na kifuani bibuti na nge. Nge lenda ndimisama ti Yehova kesadisa nge mutindu yandi sadisaka Estere. Yinki diaka nge lenda sala samu na kununga misokosi?

TALA VIDEO KINTUENIA NA MUNU​—YINKI MUTINDU MUNU LENDA NUNGA MISOKOSI? MPE NA MANIMA PESA BAMVUTU NA BIUVU YAYI MELANDA:

• Yinki dilongi bantuenia lenda baka na kifuani ya Charlie mpe Ferin?

  Mvutu na nge

• Yinki dilongi bibuti lenda baka na mambu yina Charlie mpe Ferin metuba na diambu metadila kusadisa bana banunga misokosi?

  Mvutu na nge