LUZINGU YA BAKLISTO
Bamvungi ya mameme yina kena kusala samu na mambote ya bisadi ya Yehova
Bantu mingi kevuandaka na makanisi ya yimbi samu na bantu yina kele na kimfumu. Beto lenda bakusa yau. Bantu mingi sadilaka kimfumu na bau na mutindu ya yimbi samu na mambote na bau mosi. (Mika 7:3) Beto kele na butondi mutindu bankulutu ya kimvuka kebakaka formasion samu na kusadila kimfumu na bau samu na mambote ya bisadi ya Yehova.—Est 10:3; Mat 20:25, 26.
Na lusuasanu na bantu yina kele na kimfumu na yinza yayi, bankulutu kekokisaka kiyekua na bau ya bankengi samu bakezolaka Yehova mpe bisadi na yandi. (Yoa 21:16; 1Pi 5:1-3) Na yinsi ya lutuadusu ya Yesu, bamvungi yango kesadisaka nsamuni mosimosi samu yandi kukimona ti yandi kele na kati ya dibuta ya bansambidi ya Yehova mpe kubikana penepene ya Yehova. Bakevuandaka na nsualu samu na kupesa lusadusu ya kimpeve na mameme ya Yehova mpe kana yakena kulomba lusadusu ya munganga ya nsualu to kana kisumbula mosi mebima. Kana nge kele na nsatu ya lusadusu, samu na yinki ve kubokila nkulutu mosi ya kimvuka na beno?—Yak 5:14.
TALA VIDEO BAMVUNGI YA MAMEME YINA KETANINAKA MAMEME, MPE NA MANIMA PESA BAMVUTU NA BIUVU YAYI:
-
Yinki mutindu Mariana bakaka mambote na lusadusu yina katukaka na bankulutu?
-
Yinki mutindu Elias bakaka mambote na lusadusu yina katukaka na bankulutu?
-
Na manima ya kutala video yayi, yinki mutindu nge kena kukimona samu na kisalu yina bankulutu kesalaka?
