Kanisa bantu yina kekuwa nge. Bongisa ntima na nge na kukanisaka mambu ya mpasi yina bantu kena kutana na yau. Meka kukanisa mutindu bakena kukimona.

Pona bampova na nge na dikebi. Sosa kupesa bantu yina kena kuwa nge ngolo, bomba bau, mpe kitisa bau ntima. Manga bampova yina lenda monana lokola bampova ya kutiola, kukitisa ve bantu yina kele Bambangi ya Yehova ve mpe kutuba yimbi ve samu na bindimeli na bau.

Monisa ti nge kena kukitula na kisika ya bantu. Na kutubaka na ndinga mosi ya kimpombo, mpe na kusalaka bajeste yina mebonga, monisa ti nge kena kukitula mpenza na kisika ya bantu yina kena kuwa nge. Sadila mbote yilungi na nge samu na kubimisa banguilu; sekaka mbala na mbala.