DILONGI 14
Kubimisa puelele makanisi ya ngudi
Baebreo 8:1
NA NKUFI: Sadisa bantu yina kena kuwa nge balanda disolo na nge, mpe monisa puelele mutindu konso kitini ya ngudi kele na nguizani na lukanu mpe yintu ya diambu ya disolo na nge.
MUTINDU YA KUSALA YAU:
-
Vuanda na lukanu. Sosa kuzaba kana disolo na nge kele samu na kuzabisa bantu nsangu, kundimisa bau, to kupesa bau nsatu ya kusadila mambu, mpe na manima sala yau na nguizani na lukanu yango. Sosa ti bitini nionso ya ngudi sadisa nge na kukokisa lukanu na nge.
-
Vutukilaka yintu ya diambu ya disolo na nge mbala na mbala. Ntangu nge kena kusala disolo na nge, vutukilaka bampova ya mfunu ya yintu ya diambu na nge to sadilaka bampova yankaka samu na kutubila kaka yintu ya diambu yango.
-
Bimisa makanisi ya ngudi na mutindu ya puelele mpe ya pete. Pona kaka makanisi ya ngudi yina kele na nguizani na yintu ya diambu na nge mpe yina nge lenda longa na kutadila ntangu yina bamepesa nge. Sala ti makanisi ya ngudi bika vuanda mingi, tubila puelele mosimosi na yau, pemaka mua fioti tekila kuluta na dibanza yina melanda, mpe monisaka puelele ti nge memanisa kitini mosi ya ngudi mpe nge zola luta na kitini yankaka.
