Kukibongisa mbotembote. Longuka mbote disolo na nge tii nge kebakusa mutindu baverse ya Biblia kena kundimisa yau. Sala ngolo nge bimisa makanisi ya ngudi ya disolo na nge na bampova ya fioti mpe ya pete. Tula makanisi na nge na mambu yina kesadisa bantu yina kena kuwa nge. Sambila samu na kulomba mpeve ya nlongo.

Sadila bampova yina kena kumonisa ti nge kena kundima mambu yina nge kena kutuba. Na kisika ya kuvutukila kaka bampova yina kele ya kusonama na plan to na mukanda, sadila bampova na nge mosi. Vuanda na ntubulu yina kena kumonisa ti nge kena kundima mambu yina nge kena kutuba.

Bampova na nge katuka mpenza na ntima mpe yavuanda ya kedika. Tuba na ndinga yina mebonga. Kana yakele yimbi ve na buala na beno, talaka mbala na mbala bilungi ya bantu yina kena kuwa nge.