DILONGI 16
Kukindisa bantu mpe kutubila mingi mambu ya mbote
Yobi 16:5
NA NKUFI: Tubila mingi mutindu ya kubongisa mambu, mpe sala yau na mutindu yina kepesa bantu yina kena kuwa nge nsatu ya kubongisa.
MUTINDU YA KUSALA YAU:
-
Vuanda na mabanza ya mbote samu na bantu yina kena kuwa nge. Tula ntima ti bampangi na nge Baklisto kezolaka kusepedisa Yehova. Ata kana nge fueti pesa malongi, banda ntete na kupesa bau felisitasion na mambu ya mbote yina bakesalaka.
-
Kulutisa ntangu mingi ve na kutubila mambu ya yimbi. Nge fueti tubila mambu ya yimbi na disolo na nge kaka kana yakena kubimisa dilongi ya mfunu. Mutindu na nge ya kutubila na disolo na nge, fueti monisa ti nge kena kukindisa bantu.
-
Sadila mbote Mpova ya Nzambi. Benda dikebi ya bantu yina kena kuwa nge na mambu yina Yehova mesalaka, yina yandi kena kusala, mpe yina yandi kekuiza sala samu na bantu. Sadisa bantu yina kena kuwa nge bakuma na kivuvu mpe na kibakala.
