Sambila mpe kukibongisa mbotembote. Sambila Yehova samu yandi sadisa nge na kutula makanisi na mambu yina nge kelonga, kasi na nge mosi ve. Zaba mbote makanisi ya mfunu yina nge zola longa. Tubila makanisi yango na bampova na nge mosi, kuvutukila ve kaka bampova yina bamesonika.

Bampova na nge katuka na ntima. Kukiyuvusa samu na yinki bantu kele na nsatu ya kuwa mambu yina nge ketuba. Tula makanisi na nge na bau. Kana nge mesala plina, mutindu na nge ya kutelema, bajeste na nge, mpe yilungi na nge kemonisa ti nge kena kutuba mambu ya kedika mpe nge kezolaka bau.

Talaka bantu yina kena kuwa nge. Kana yakele yimbi ve na buala na beno, talaka bantu na yilungi. Kana nge kena kusala diskur, talaka mua fioti muntu mosimosi na yilungi, na kisika nge lutisa kaka meso na zulu ya bayintu ya bau.