Benda dikebi na bampova ya mfunu. Na manima ya kutanga verse mosi, bimisa bampova ya mfunu yina mewizana mbala mosi na diambu yina nge kena kulonga. Samu na kusala yau, nge lenda vutukila bampova yango to kuyuvusa kiuvu yina kebenda dikebi ya bantu yina kena kuwa nge na bampova ya mfunu ya verse yango.

Diata dikanisi ya mfunu. Kana nge monisaka mfunu ya kutanga verse tekila nge tanga yau, sasila mutindu bampova ya verse yango mewizana na mfunu yina nge tubilaka.

Monisa na pete nionso mutindu ya kusadila verse. Kutubila ve mambu yankaka ya verse yango yina kele ve na nguizani na diambu ya ngudi yina nge kena kutubila. Na manima ya kutadila diambu yina bantu yina kena kuwa nge mezaba deja samu na diambu yango, pona yinki makanisi ya verse yango nge ketubila samu dilongi bima puelele mpe bantu bakusa yau.