DILONGI 7
Tuba mambu ya kedika mpe yina kena kundimisa
Luka 1:3
NA NKUFI: Baka bansangu na mikanda to na bisika yankaka yina ketubaka mambu ya kedika samu na kusadisa bantu yina kena kuwa nge na kukuma na dikanisi ya mbote.
MUTINDU YA KUSALA YAU:
-
Baka bansangu na Biblia mpe na bisika yankaka yina bantu ketudilaka ntima. Sala ti mambu yina nge ketuba katuka na Mpova ya Nzambi, kana dikoki kele, tanga yau mbala mosi kuna na kati. Kana nge ketubila diambu mosi yina metadila sianse, nsangu mosi plina, diambu mosi yina mesalamaka, to diambu nionso yankaka, tala mbote kana nge mebakila yau na kisika yina balenda tudila ntima mpe kana yakele ya yimpa.
-
Sadila Biblia mpe bansangu yina mekatuka na bisika yankaka na mutindu ya mbote. Sasila verse na kuwizanisaka yau na baverse yina kele na ntuala mpe na manima na yau, na nsangu ya mvimba ya Biblia, mpe na makanisi yina kele na mikanda ya ‘nanga ya kukuikama mpe ya mayele.’ (Mat. 24:45) Sadila mbote bansangu yina katuka ve na Biblia kondua kusoba nsasulu na yau, kisika yamekatuka, to dibanza ya nsoniki na yau.
-
Sadisa bantu yina kena kuwa nge bakanisa. Na manima ya kutanga verse mosi to kutanga bampova yina mekatuka na bisika yankaka, yuvusa biuvu na mayele to pesa kifuani mosi samu na kusadisa bantu yina kena kuwa nge babaka malongi.
