KITINI 5
Na ntangu ya Nkuka ya maza—Banani kuwaka Nzambi? Banani kuwaka ve?
Bantu mingi vuandaka sala mambu ya yimbi na ntangu ya Noa. Kuyantika 6:5
Adamu na Eva babutaka bana, mpe bantu kumaka mingi na ntoto. Na manima, bambasi yankaka landaka Satana na kutombokila Nzambi.
Bakuizaka na ntoto, mpe bavuataka nzutu ya bantu samu bakuela banketo. Banketo yango babutaka bana yina vuandaka ya kuzangama, bimpumbulu mpe ngolo.
Yinza fulukaka na bantu yina vuandaka sala mambu ya yimbi. Biblia metuba yinza fulukaka na bantu yina vuandaka sala mambu ya yimbi mpe bangindu na bau nionso kumaka kaka ya kusala yimbi.
Noa kuwaka Nzambi mpe yandi tungaka nzaza. Kuyantika 6:13, 14, 18, 19, 22
Noa vuandaka muntu ya mbote. Yehova tubilaka Noa Yandi kekufua bantu ya yimbi na nkuka ya maza.
Nzambi tubilaka diaka Noa yandi tunga masuwa mosi ya nene, bamebokidila nzaza, mpe yandi kotisa na kati dibuta na yandi mpe bibulu ya mutindu nionso.
Noa luengisaka bantu ti Nkuka ya maza kekuiza, kasi bakuwaka ve. Bayankaka vuandaka kuseka Noa, bayankaka bayinaka yandi.
Ntangu nzaza manisaka, Noa kotisaka bibulu na kati.
