KITINI 9
Yinki ntangu Paradiso kekuiza?
Mambu ya yimbi yina kena kusalama na ntoto memonisa ti yamebikana fioti Kimfumu ya Nzambi kuiza. Luka 21:10, 11; 2 Timoteo 3:1-5
Biblia samunaka mambu mingi yina kesalama na bilumbu ya beto. Yatubaka bantu kevuanda bantu yina kezolaka mbongo, bayina kezitisaka bibuti ve, bantu ya nko, bantu yina kezolaka minkembo.
Biblia samunaka mpe kuningana ya ngolo ya ntoto, bankindu, bansatu. Yatubaka mpe ti bamaladi ya ngolo kemuangana. Yau beto kena kumona bubu yayi.
Yesu tubaka diaka ti nsangu ya mbote ya Kimfumu ya Nzambi kesamunua na ntoto ya mvimba.—Matayo 24:14.
Kimfumu ya Nzambi kekatula mambu nionso ya yimbi. 2 Piere 3:13
Yamebikana fioti, Yehova kekufua bantu nionso ya yimbi.
Nzambi kekufua Satana na bademo.
Bayina kekuwaka Nzambi bakevuka mpe bakekota na yinza ya yimpa mpe ya lunungu. Na yinza yango, wonga kevuanda ve mpe bantu ketulana ntima mpe kezolana.
Tala diaka...
MIKANDA & MUA MIKANDA
Yinki yina Kimfumu ya Nzambi?
Ntangu Yesu vuandaka awa na ntoto, yandi monisaka na bunkufi yina Kimfumu ya Nzambi kesala samu na bantu.
MIKANDA & MUA MIKANDA
Kilumbu kele bampasi kemanisa?
Biblia metuba ti Nzambi kezolaka ve mambu mekondua lunungu mpe yandi kekipeke mpenza bantu. Yinki mambote yau lenda natina nge?
