KUBANDA DISOLO
DILONGI 6
Kubika ve ti wonga pekisa nge kupesa kimbangi
Nsikudukusu: ‘Beto bakaka kibakala na nzila ya Nzambi na beto samu na kuzabisa beno nsangu ya mbote.’—1 Te. 2:2.
Mambu yina Yesu salaka
1. Tala VIDEO, to tanga Luka 19:1-7. Na manima tadila biuvu yayi melanda:
Yinki dilongi beto mebaka na kifuani ya Yesu?
2. Beto fueti vuanda na vema samu na kusamuna nsangu ya Kimfumu kondua kupona bilungi.
Landa kifuani ya Yesu
3. Tudila Yehova ntima. Mpeve ya Nzambi pesaka Yesu kilendo ya kusamuna, mpe yalenda pesa diaka nge kilendo. (Mat. 10:19, 20; Luka 4:18) Lomba Yehova vema ya kusamunina bantu yina nge kebangaka kusamunina.—Bis. 4:29.
4. Kukanisina ve bantu yimbi. Beto lenda kakatana kusolola na bantu yankaka samu na mutindu bakena kumonana na meso, samu na bima yina bakele na yau to mbongo na bau, samu na nzingulu na bau, to samu na bindimeli na bau. Kasi zaba ti:
-
Yehova mpe Yesu lenda mona na kati ya bantima ya bantu; beto beto lenda mona yau ve.
-
Beto fueti kanisa ve ti Yehova lenda sadisa ve muntu mosi playi.
5. Monisa vema na bukatikati, na luzitu mpe na kukenga. (Mat. 10:16) Manga kubimisa bantembe. Zenga disolo na luzitu kana muntu sepela ve na nsangu ya mbote to kana nge memona ti nge mekuma na kivonza.—Bin. 17:14.
