DILONGI 55
Pesa maboko na kimvuka na beno
Na yinza ya mvimba, bamilion ya bantu kena kusepela kusadila Yehova na bimvuka mingi. Bakele na butondi samu na malongi mpe lutuadusu yina bakena kubaka, mpe na kiese nionso bakena pesa maboko na kimvuka na mitindu mingi. Nge kekukimonaka mutindu yina samu na kimvuka na beno?
1. Yinki ndambu ya mitindu nge lenda sadila ntangu mpe ngolo na nge samu na kupesa maboko na kimvuka?
Beto nionso beto lenda pesa maboko na kimvuka. Na kifuani, biboba mpe bantu yina kele na kieta kele na kimvuka na beno? Nge lenda sadisa bau samu na kukuma na balukutakanu? To nge lenda sadisa bau samu na mambu yankaka ya mfunu, lokola kusadila bau wenze to bisalu ya yinzo? (Tanga Yakobo 1:27.) Beto lenda sala diaka lokola volontere samu na kutula bunkete mpe kubongisa Yinzo ya Kimfumu. Muntu mosi ve ketindaka beto na kingolo samu na kusala mambu yango. Nzola na beto samu na Nzambi mpe bampangi na beto nde ketindaka beto na ‘kukipesa na luzolo na [beto mosi].’—Nkunga 110:3.
Bampangi yina mebakaka mbotama lenda pesa maboko na kimvuka na mitindu mingi yankaka. Bampangi ya babakala yina kele ya kuyela na kimpeve lenda sala lokola bansadisi na kisalu, mpe na manima lokola bankulutu. Bampangi ya babakala mpe ya banketo lenda pesa maboko na kisalu ya kusamuna na kusalaka lokola bampasudi nzila. Bambangi ya Yehova yankaka lenda sadisa na kupesaka maboko na kutunga bisika ya nsambudulu to na kukuendaka na kisika yina kele na kimvuka mosi yina kele na nsatu ya lusadusu ya mitindu yankaka.
2. Yinki mutindu beto lenda sadila bima na beto ya kinsuni samu na kupesa maboko na kimvuka?
Beto lenda ‘kumisa Yehova na bima [na beto] ya valere.’ (Bingana 3:9) Yakevuandaka diluaku mosi ya nene samu na beto kupesa mbongo to bima na beto yankaka ya kinsuni samu na kupesa maboko na kimvuka mpe na kisalu ya kusamuna na yinza ya mvimba. (Tanga 2 Bakorinto 9:7.) Makabu na beto kesadisaka diaka bampangi yina mebuila bivonza. Bantu mingi keponaka ‘kutula ndambu ya mbongo na pembeni’ mbala na mbala samu na kupesa makabu. (Tanga 1 Bakorinto 16:2.) Beto lenda pesa makabu na kusadilaka bakesi ya makabu yina kele na bisika na beto ya nsambudulu to na nzila ya Internet na donate.pr418.com. Yehova kepesaka beto diluaku ya kumonisa nzola na beto samu na yandi na mutindu beto keponaka kusadila bima na beto ya kinsuni.
KOTA NA MPINDA
Tadila ndambu ya mitindu ya kupesa maboko na kimvuka.
3. Beto lenda sadila bima na beto ya kinsuni
Yehovah mpe Yesu kezolaka bantu yina kepesaka na kiese. Na kifuani, Yesu tulaka dikebi na nketo mosi ya mputu yina mefuilaka bakala mpe ngolo yina yandi salaka samu na kupesa makabu. Tanga Luka 21:1-4, mpe na manima tadila biuvu yayi:
-
Beto fueti pesa makabu mingi samu na kusepedisa Yehova?
-
Yinki mutindu Yehova mpe Yesu ketadilaka makabu yina beto kepesaka na ntima na beto ya mvimba?
Samu na kuzaba mutindu makabu yina beto kepesaka kesaduluaka, tula VIDEO. Mpe tadila kiuvu yayi melanda.
-
Yinki mutindu bimvuka ya yinza ya mvimba kebakaka mambote na makabu yina beto kepesaka?
4. Beto lenda pesa lusadusu na luzolo na beto
Na ntangu ya ntama, bisadi ya Yehova salaka na vema samu na kubongisa mbote bisika na bau ya nsambudulu. Yatadilaka kaka ve kupesa mbongo. Tanga 2 Bansangu 34:9-11, mpe na manima tadila kiuvu yayi:
-
Yinki mutindu konso Muyisaele pesaka maboko samu na kutanina yinzo ya Yehova, to kisika ya nsambudulu?
Samu na kumona mutindu Bambangi ya Yehova kelandaka kifuani yango ya ntama, tula VIDEO. Mpe na manima tadila biuvu yayi melanda.
-
Samu na yinki yakele mfunu kutanina Yinzo ya Kimfumu na beto samu yavuanda bunkete mpe ya mbote?
-
Yinki kele ndambu ya mitindu yina nge lenda pesa maboko?
5. Bampangi ya babakala lenda kokisa mambu yina melombama samu na kubaka diaka biyekua mingi
Masonukua kena kukindisa Baklisto ya babakala basala nionso yina balenda samu na kupesa maboko na kimvuka. Samu na kumona kifuani mosi, tula VIDEO. Na manima pesa mvutu na kiuvu yayi melanda.
-
Na video yayi, yinki mutindu Ryan salaka samu na kupesa diaka maboko mingi na kimvuka?
Biblia memonisa mambu yina kelombamaka samu na bampangi yina kesalaka lokola bansadisi na kisalu mpe bankulutu. Tanga 1 Timoteo 3:1-13, mpe na manima tadila biuvu yayi:
MUNTU YANKAKA LENDA YUVUSA: “Wapi Bambangi ya Yehova kebakilaka mbongo samu na bisalu na bau?”
-
Yinki mvutu nge kepesa?
BUNKUFI
Yehova kesepelaka mingi na ngolo yina beto kesalaka samu na kupesa maboko na kimvuka na kusadilaka ntangu, ngolo, mpe bima na beto ya kinsuni.
Mvutukulu
-
Yinki mutindu beto lenda sadila ntangu, mpe ngolo na beto samu na kupesa maboko na kimvuka?
-
Yinki mutindu beto lenda sadila bima na beto ya kinsuni samu na kupesa maboko na kimvuka?
-
Na yinki mitindu nge kesepela kupesa maboko na kimvuka?
SOSA
Tadila samu na yinki Nzambi kelombaka diaka ve bisadi na yandi bapesa dime.
Sosa kuzaba yina zola monisa ‘kuvuanda na nsatu ya kusadila bampangi’ na kimvula.
“Ozali ‘koluka mikumba’?” (Linɔ́ngi ya Mosɛnzɛli, 15 Septembre 2014)
Mona mutindu Bambangi ya Yehova yayi kena kusala ngolo samu na kunatina bampangi na bau Baklisto mikanda.
Tala mutindu nkubukulu na beto kebakilaka mbongo, mpe yamesuasana na mabundu yankaka.
“Batatoli ya Yehova bazwaka mbongo wapi?” (Disolo na Internet)
Tala diaka...
BIUVU YINA BANTU KEYUVUSAKA MINGI
Yinki mutindu Bambangi ya Yehova kelongukaka Biblia na bantu?
Na nzila ya programe ya ndongokolo ya kusolola ofele na Bambangi ya Yehova, nge lenda sadila konso mbangudulu ya Biblia. Nge kele na yinsua ya kubokidisa dibuta na nge ya mvimba to bankundi na nge bakuiza sangana na nge.
