Na mvula 2022, baguvernema ya yinza ya mvimba bimisaka badolare kuluta 2 240 miliare, mbongo mingi mpenza kuluta mutindu babimisaka ntete samu na kusumba minduki. Babimisaka mbongo yango mingimingi ntangu Russie kuendaka nuanisa Ukraine. Na ngonda ya avril 2023, nkubukulu mosi na nkumbu ya Institut international de recherche sur la paix de Stockholm (SIPRI) bimisaka lapolo mosi ya mambu yina salamaka na mvula 2022:

•  

•    “Mbongo yina Russie bimisaka samu na kusumba binuanunu mekuma kana na 9,2 %. Yamekatuka buala ya tanu, yamekuma buala ya tatu na yinza yina kebimisaka mbongo mingi samu na kusumba binuanunu.”

•    États-Unis kele kaka buala ya ntete na diambu metadila kusumba binuanunu, samu “yabimisaka 39% ya mbongo yina meluta mbongo nionso yina babuala ya yinza ya mvimba bimisaka samu na kusumba binuanunu.”

 Nan Tian, muntu mosi ya mayele na mambu metadila kinkita, yandi kele diaka mosi ya bantu yina sonikaka lapolo ya SIPRI, yandi metuba: “Kumona ti na mvula meluta baguvernema tatamanaka kubimisa mbongo mingi samu na kusumba binuanunu, yamemonisa ti beto kena vuka na yinza yina mekondua mpenza lutanunu.”

 Biblia samunaka ti baguvernema ya kilendo kewelana mpe yakevuanda na matata na kati na yau, mpe Biblia monisaka ti yakele na kima mosi kaka yina lenda nata kiyenge ya kedika.

•    Biblia kebokidilaka ntangu yayi beto kena kuzinga na yau ‘ntangu . . . ya nsuka.—Daniele 8:19.

•    Mukanda ya Daniele samunaka ti na ntangu yango, bilendo ya yinza kewelana. Bilendo yango ya yinza kenuana kati na bau samu mosi monisa ti yandi kele ngolo kuluta yankaka. Bamvita yango kesala ti babimisa ‘bima ya ntalu’ to mbongo mingi.—Daniele 11:40, 42, 43.

 Samu na kuzaba mambu yankaka samu na mbikudulu yango ya Biblia ya kukamua, tala video Esakweli moko ezali kokokisama—Danyele mokapo 11.

•    Biblia metuba ti Nzambi kekatula baguvernema ya bantu. Yandi ‘ketula kimfumu mosi yina kekufua ata fioti ve. Mpe kimfumu yango kekuenda ve na bantu yankaka. Yakebebisa mpe yakesukisa bimfumu yango nionso, mpe yau mosi kebikana mvimbamvimba.’—Daniele 2:44.

•    Ntama mingi ve Yehova a Nzambi kesala diambu yina bantu kele ve na dikoki ya kusala—kupesa bantu kiyenge ya kedika mpe ya mvimbamvimba. Yinki mutindu? Kimfumu na yandi ya dizulu kekatula binuanunu nionso mpe kinkesi.—Nkunga 46:8, 9.

 Samu na kuzaba mambu yankaka yina Kimfumu ya Nzambi kesala, tanga disolo “Na Bokonzi ya Nzambe ‘kimya ekokóma mingi.’”