Samu na bantu mingi na yinza, kubaka mbongo ya kuzingila mekuma mpasi mpe yakena kutatamana kukuma mpasi mpenza.

•   Na kutadila lapolo mosi ya yinza ya mvimba yina mekatuka kubima, a mbongo yina bantu kebakaka konso ngonda samu na kisalu na bau kena kukita mpenza. Lapolo yango mebuela ti kana solision bakama ve samu na diambu yango, bamvuama kekuma diaka na mbongo mingi mpe bamputu kebuela kuma diaka na mpasi mpenza, mpe mabuta mingi kekuma na luzingu ya mpasi mpenza.

 Baguvernema ya yinza kekoka mpenza kumanisa bampasi metadila mbongo to kubongisa mambu ata fioti?

 Biblia memonisa ti yakele na guvernema yina lenda manisa mpe kemanisa bampasi metadila mbongo, ata mpe kupesa luzingu ya mbote na muntu nionso. Yametuba ti ‘Nzambi ya dizulu ketula kimfumu mosi,’ yina ketuadisa mambu na ntoto ya mvimba. (Daniele 2:44) Ntangu Kimfumu yango kebanda kutuadisa mambu na ntoto, muntu nionso kevuanda na luzingu ya mbote. (Nkunga 9:18) Bantu nionso yina kevuanda na yinsi ya luyalu ya Kimfumu ya Nzambi kevuanda na nionso yina bakele na yau nsatu samu na kuvuanda na kiese. Muntu nionso kesepela kubaka n’sendo na kisalu na yandi ya ngolo.—Yezaya 65:21, 22.