•   “Kana katikati ya bantu yina kele bambuta na États-Unis metuba bakekukimonaka ti bakele kaka bau mosi, mpe diambu yango kena kumonana kedika mingimingi na bantuenia.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Nkubukulu ya ONU yina ketadilaka mamvipi] salaka grupe mosi ya bantu samu na kulandela mambu metadila nguizani yina bantu kevuandaka na yau mpe kumanisa diambu metadila banguilu ya kukimona ti nge kele kaka nge mosi samu yamekuma kivonza. Yakekindisa bantu bavuanda kintuadi na bantu yankaka, yavuanda kana babuala yango kele na kimputu to ve.”​—Nkubukulu ya ONU yina ketadilaka mamvipi, 15 novembre 2023.

 Biblia kena kupesa malongi ya mfunu samu na kusadisa bantu basala kinkundi ya mbote na bantu yankaka.

 Kusalaka mingi ve mambu yina kesalaka ti nge vuanda kaka nge mosi. Mambu yango kele, kusadila mingi basite ya Internet ya kusolola na bantu. Na kisika ya kusala plina, sosa maluaku ya kusolola na bantu mbunzu na mbunzu mpe sala kinkundi ya kedika na bau.

•   Nsikudukusu ya Biblia: “Nkundi ya kedika kezolaka konso ntangu, mpe yandi kele mpangi yina mebutuka samu na bantangu ya mpasi.”​—Bingana 17:17.

 Sosaka maluaku ya kusadisa bantu yankaka.Kusadila bantu yankaka mambu ya kimpombo kesukaka kaka ve na kukumisa kinkundi ngolo, kasi yakesalaka mpe beto kukimona mbote na makanisi.

•   Nsikudukusu ya Biblia: ‘Kiese ya kupesa kevuandaka mingi kuluta ya kubaka.’​—Bisalu 20:35.

 Kota na site na beto samu na kuzaba mambu yankaka ya mfunu yina Biblia metuba na diambu metadila mutindu ya kusala kinkundi ya mbote.