Na kutadila nkubukulu ya yinza ya mvimba na diambu metadila mavimpi (OMS), tii na kilumbu ya 23 Mai 2022, bamilion 6,27 ya bantu mekufua na maladi ya COVID-19. Kasi, bansangu ya yimpa yina bimaka na kilumbu ya 5 Mai 2022, OMS monaka ti ntalu ya bantu yina kufuaka kumaka diaka mingi kuluta. Yatubaka ti na bamvula 2020 mpe 2021, “ntalu ya bantu yina kufuaka mbala mosi to mbala mosi ve na maladi ya COVID-19 . . . vuandaka pene ya bamilion 14,9.” Yinki Biblia ketubaka samu na mambu yango ya mpasi?

•   Yesu samunaka ti bamaladi ya yimbi kevuanda, to mipepe ya ‘maladi ya yimbi,’ na ntangu yina bakebokidilaka “bilumbu ya nsuka.”—Luka 21:11, Contemporary English Version; 2 Timoteo 3:1.

 Mbikudulu ya Yesu kena kukokisama bubu yayi. Samu na kuzaba mambu yankaka, tanga disolo “Elembo ya ‘mikolo ya nsuka,’ to ‘ntango ya suka’ ezali nini?”

•   ‘Nzambi yina kebombaka bantu nionso . . . kebombaka beto na bampasi na beto nionso.’—2 Bakorinto 1:3, 4.

 Nsangu ya Biblia bombaka bantu mingi yina fuilaka muntu yina bavuandaka zola. Samu na kuzaba mambu mingi, tala disolo “Oyo okoki kosala mpo na kolonga mpasi wana” mpe disolo “Lisalisi oyo eleki malamu mpo na baoyo babungisi moto na liwa.”

•   ‘Bika Kimfumu na nge kuiza. Bika lukanu na nge salama na ntoto, lokola na dizulu.’—Matayo 6:10.

 Ntama mingi ve “Kimfumu ya Nzambi” kesala diambu samu “ata muntu mosi ve yina kezingaka na ntoto tuba ti: ‘Munu kena kubela.’” (Marko 1:14, 15; Yezaya 33:24) Tala video Bokonzi ya Nzambe ezali nini? samu na kuzaba mambu metadila guvernema ya dizulu mpe mambu yina yakesala.

 Beto melomba nge nge longuka mambu mingi yina Biblia metubila samu nge mpe dibuta na nge vuanda na dikoki ya kubaka mambote na malongi na yau ya nduenga mpe bansilulu na yau yina mepemama.