BENO TATAMANA KUKENGA!
Bantu ya sianse nde kena kusala ti wola ya montre ya kilumbu ya nsuka pusana—Yinki Biblia metuba?
Na kilubmu ya 24 janvier 2023, bantu ya sianse tubaka ti montre ya kilumbu ya nsuka a mekuma deja pene ya bawola 12 ya mpipa, yazola monisa ti nsuka mekuma pene.
“‘Montre ya kilumbu ya nsuka’ yina zola monisa kubebisama samu na bantu, pusanaka na bawola 12 ya mpipa na kilumbu ya mardi na katikati ya mvita na Ukraine, nganzi ya mvita ya nucléaires mpe ya kubebisama ya klima.”—AFP International Text Wire.
“Bantu ya sianse monisaka na kilumbu ya mardi ti ‘montre ya kilumbu ya nsuka ya yinza’ mepusana tii na basekonde 90 tekila bawola 12 ya mpipa—bantu mekuma pene na armagedoni.”—ABC News.
“Grupe ya bantu ya sianse ya yinza ya mvimba meluengisa ti kuzinga ya bantu na ntoto mekuma na kivonza kuluta mutindu yakevuandaka.”—The Guardian.
Kubebisama ya luzingu ya bantu mpe ya ntoto planeti na beto mekuma pene? Beto fueti banga samu na mambu yina kesalama na bilumbu kena kuiza? Yinki Biblia metuba?
Mambu yina kesalama na bilumbu kena kuiza
Na kutadila Biblia, ‘ntoto kebikana mvula na mvula’ bantu kevuanda yina ‘kezinga mvula na mvula na zulu na yau.’ (Longi 1:4; Nkunga 37:29) Na yau, bantu kebebisa ve ntoto to kusala ti planeti na beto vuanda diaka ve kisika yina luzingu fueti vuanda.
Kasi, Biblia metubila nsuka. Na kifuani, yametuba ti ‘yinza kena kuluta.’—1 Yoane 2:17.
Samu na kumona yina Biblia zola monisa ntangu yaketubilaka nsuka ya yinza, tanga disolo “Yinza mekuma na nsuka? Kusonga (Nzayikusu) kele yinki?”
Samu na kulonguka yina Biblia metuba samu na mambu yina kesalama na yinza na bilumbu kena kuiza, tanga disolo “Nsuka ya mokili ekoya ntango nini?”
Tatamana kuvuanda na makanisi ya mbote
Biblia lenda sadisa beto samu beto vuanda na makanisi ya mbote atako mambu yina kena kusalama bubu yayi na yinza. Yinki mutindu?
Biblia mepesa beto malongi ya mfunu. (2 Timoteo 3:16, 17) Na kifuani, tanga disolo “Nasala nini mpo namitungisa koleka ndelo te?” samu na kumona mutindu Biblia lenda sadisa nge samu na kuvuanda na makanisi ya mbote atako bampasi ya luzingu.
Biblia mepesa kivuvu mosi ya sikisiki samu na bilumbu kena kuiza. (Baroma 15:4) Yamesasila mbotembote mambu yina beto fueti kukivingila na yau bubu yayi mpe na bilumbu kena kuiza, yakesadisaka beto beto tula ntima atako mambu yina kena kusalama na yinza bubu yayi.
Samu nge bakila Biblia mambote, beto melomba nge na kiese nionso nge meka ndongokolo na beto ya Biblia ya ofele banda bubu yayi.
a “Montre ya nsuka ya yinza kele diambu yina keluengisaka bantu ti beto mekuma pene ya kubebisa yinza na beto na nzila ya teknoloji ya yimbi ya bima yina beto mosi bantu kena kusala. Yakele kaka bampova ya kifuani, kubambula bantu ti kubebisama yina beto fueti nunga kana beto zola zinga na planeti na beto.”—Bulletin of the Atomic Scientists.
Tala diaka...
MALONGI YA NGUDI YA BIBLIA
Samu na yinki Nzambi semaka ntoto?
Yinza na beto kele ya kufuluka na bima ya kitoko. Distance yina mekabula yau na muini kele mpenza ya kufuana, yatuluaka na angle mosi ya mbote, mpe yakebalukaka na vitesi ya mbote. Samu na yinki Nzambi bimisaka ngolo nionso yina samu na kusala ntoto?
MAMBU YINA METADILA BETO
Lomba muntu mosi kuiza tala nge
Tubila kiuvu mosi ya Biblia, to longuka kuzaba mambu mingi yina metadila Bambangi ya Yehova.
