Bantu kele na nsatu ya bamfumu ya politiki yina balenda tudila ntima; bakena kusepela diaka ve na bamfumu ya politiki ya luvunu. Ankete mosi salamaka na mvula 2023 tubaka ti kana yakele na bantu yina bantu mingi ve ketudilaka ntima na yinza, bantu ya ntete kele bamfumu ya politiki. a

 Biblia metubila guvernema mosi yina Ntinu na yau mebonga mpenza beto tudila yandi ntima mpe yandi kevuandaka ntangu nionso muntu ya lunungu. Guvernema yango kele Kimfumu ya Nzambi mpe Ntinu na yau yina kele Yesu Klisto.—Yezaya 9:7.

 Mambu yina Yesu salaka ntangu yandi vuandaka awa na ntoto memonisa ti yandi moninaka bantu kiadi. (Matayo 9:35, 36) Lokola yandi kele Ntinu ya kimfumu ya Nzambi, ntama mingi ve yandi kesala ti lunungu mpe kiyenge vuanda kati na bantu nionso yina mendima Kimfumu na yandi.—Nkunga 72:12-14.