Mutindu ya kununga kikadulu ya kukimona ti nge kele kaka nge mosi
Nge kekukimonaka ti nge kele kaka nge mosi mpe kinsona? Kana yakele mutindu yina, nge lenda kukimona mutindu nsoniki mosi ya nkunga yina tubaka: ‘Munu kele lokola ndeke yina kele yau mosi na ndiala.’ (Nkunga 102:7) Nduenga ya Biblia lenda sadisa nge samu nge nunga mambu yina ketindaka nge nge kukimona lokola nge kele kaka nge mosi.
Kudisa nguizani na nge na Nzambi
Ata kana nge kena kukimona ti nge kele kaka nge mosi, nge lenda vuanda na kiese na kuzabaka bansatu na nge ya kimpeve mpe kukokisaka yau. (Matayo 5:3, 6) Mambu yayi melanda ya ofele lenda sadisa nge nge banda yau.
Biblia yina kele puelele mpe mpasi ve na kutanga na Internet
Malongi ya ndongokolo ya Biblia na Internet yina kena kupesa bamvutu na biuvu ndambu ya mfunu ya luzingu
Bavideo ya nkufi yina metadila malongi ya mfunu ya Biblia
“Bamvutu na biuvu ya Biblia”—Bamvutu ya puelele na biuvu yina beto kukiyuvusa mingi
“Landa kiminu na bau”—Bitini yayi kena kumonisa babakala na banketo ya kukuikama yina Biblia metubila
“Yamebimaka kaka yau mosi?”—Bitini yayi kena kumonisa beto bisemua ya kitoko mpe ya mutindu na mutindu yina Nzambi salaka na yinza
Tanga baverse ya Biblia yina kekindisaka
Baverse yayi melanda sadisaka bantu mingi samu babaka lukindusu. Na kisika ya kutanga baverse mingi mbala mosi, meka kusadila ntangu yina nge kena kukimona ti nge kele kaka nge mosi samu na kuyindula na mpinda na mosi mosi na yau mpe kusambila.—Marko 1:35.
Sosa kubakusa samu na yinki mambu ya yimbi kena kuluta na yinza
Nge lenda nunga mambu yina kena kutungisa nge kana nge mezaba samu na yinki mambu ya yimbi kena kuluta na yinza mpe yinki mutindu Nzambi kekatula yau.—Yezaya 65:17.
Manga mitungisi yina mekondua mfunu
Masolo yayi melanda lenda sadisa nge nge nunga mitungisi samu nge kena kumona ti nge kele kaka nge mosi mpe nge ‘bika kukitungisa.’—Matayo 6:25.
Sosa kuvuanda na bankundi
Kinkundi kesalaka ti muntu vuanda na mavimpi ya mbote ya makanisi mpe makanisi ya mbote mpe yakevuandaka diaka na mfunu mingi kuluta kana yamekuma mpasi beto kutana na bantu yankaka. Kana nge kele ya kukangama na yinzo, nge lenda sadila videoconference to telephone samu na kutanina kinkundi mpe kusosa diaka bankundi yankaka. Masolo yayi melanda lenda sadisa nge samu kusosa to kuvuanda ‘nkundi ya kedika.’—Bingana 17:17.
Salaka konso ntangu bangalasisi ya nzutu
Biblia metuba ti “ngalasisi kele mfunu.” (1 Timoteo 4:8, noti na yinsi ya paje) Yalenda sadisa samu na mavimpi ya makanisi, mingi mingi kana nge kena kukimona ti nge kele kaka nge mosi. Ata kana nge kele ya kukangama na yinzo, yakele na mambu yina nge lenda sala samu na kuvuanda nzutu ya mbote.
Tala diaka...
MAMBU YANKAKA
Mutindu ya kununga kulemba samu na Maladi yayi ya yimbi
Kana beto kena kunuanisa yau ve, malembe malembe beto kekuma na kikadulu ya kumanga kuzitisa bansiku yina metadila kutanina mavimpi na maladi ya COVID.
