BENO TATAMANA KUKENGA!
Kuyuma ya ngolo ya maza—Yinki Biblia metuba?
“Buala ya Chine memonisa ti mvula yayi nsungi ya tiya vuandaka nsungi ya tiya yina ‘meluta ngolo’ mpe yakele nsungi ya tatu yina meluta kuyumisa maza.”—The Guardian, 7 septembre 2022.
“Bamvula tanu kena kulandana, bisika mingi yina kele na maza na Afrique keyuma ngolo.”—UN News, 26 août 2022.
“Katikati ya Europe kele na kivonza ya kuyuma ya ngolo ya maza, kondua ntembe kuyuma ya mutindu yina salama ntete ve yameluta bamvula 500.”—BBC News, 23 août 2022.
Bantu mingi ya mayele kena kutuba ti kuyuma ya mutindu yina ketatamana mpe yakebuelama diaka ngolo kuluta. Beto lenda vuanda na kivuvu ti mambu kebonga na bilumbu kena kuiza? Yinki Biblia metuba?
Kuyuma ya maza mpe bambikudulu ya Biblia
Biblia samunaka samu na bilumbu na beto ti:
‘Nsatu kevuanda na bisika ya mutindu na mutindu.—Luka 21:11.
Mbala mingi, kuyuma ya maza kenataka nsatu. Nsatu ya mutindu yina, bampasi, mpe lufua yina yakena kubimisa, kena kukokisa bambikudulu ya Biblia.—Kusonga 6:6, 8.
Samu na yinki kuyuma ya maza kena kukuma kaka ngolo?
Biblia kena kumonisa mfunu ya ngudi yina kena kusala ti kuyuma ya maza kuma kaka ngolo. Biblia metuba:
‘Muntu yina kena kutambula kele ve na yinsua ya kutuadisa kitambi na yandi mosi.’—Yeremia 10:23.
Yazola monisa bantu lenda ve ‘kutuadisa kitambi na bau,’ to kukiyadila. Mbala mingi banzengolo na bau ya yimbi kebimisaka kuyuma ya maza mpe kukondua ya maza.
Bantu mingi ya sianse mendima ti bisalu ya bantu nde mebimisa kubuelama ya tiya na yinza, yamesala ti kuyuma ya maza buelama na yinza ya mvimba.
Mambu yina bantu kena kusala na lokoso mpe kondua kutadila luzingu ya bantu na bilumbu kena kuiza kena kusala ti bamfinda beba, mupepe beba, basadila bima yina Nzambi mesalaka na mutindu ya yimbi. Yakena kusala ti beto kondua maza ya mbote.
Kasi Biblia mepesa beto kivuvu.
Kivuvu kele samu na bilumbu kena kuiza?
Biblia melaka ti Nzambi kebongisa diambu metadila kukondua ya maza yayi kena kusalama bubu yayi. Yinki mutindu?
1. Nzambi ‘kebebisa bantu yina kebebisaka ntoto.’ (Kusonga 11:18) Yandi kekufua bantu yina kesalaka ti maza kondua—bantu ya yimbi mpe ya lokoso yina kena kusala mambu yina kena kubebisa bisika bantu kevuandaka.—2 Timoteo 3:1, 2.
2. ‘Ntoto yina meyumaka kekuma dizanga yina mefuluka na matiti.’ (Yezaya 35:1, 6, 7) Nzambi kekatula mambu ya yimbi yina kuyuma ya maza mebimisa mpe yandi kekumisa ntoto yayi paradiso yina mefuluka na maza.
3. ‘Nge ketaninaka ntoto, nge kesalaka ti yabuta mingi mpenza mpe yakuma na kimvuama mingi.’ (Nkunga 65:9) Na lusakumunu ya Nzambi, ntoto kefuluka na bima ya kudia ya mbote mpe maza ya kuvedila samu na bantu nionso.
Tala diaka...
BENO TATAMANA KUKENGA!
Kubuelama ya tiya ya ngolo na yinza ya mvimba—yinki Biblia metuba?
Luzingu kevuanda mpasi na ntoto na bilumbu kena kuiza?
MALONGI YA NGUDI YA BIBLIA
Samu na yinki Nzambi semaka ntoto?
Yinza na beto kele ya kufuluka na bima ya kitoko. Distance yina mekabula yau na muini kele mpenza ya kufuana, yatuluaka na angle mosi ya mbote, mpe yakebalukaka na vitesi ya mbote. Samu na yinki Nzambi bimisaka ngolo nionso yina samu na kusala ntoto?
BAMVUTU NA BIUVU YA BIBLIA
Yinki kele kidimbu ya “bilumbu ya nsuka” to ya “ntangu ya nsuka”?
Biblia samunaka mambu mingi yina kana yakena kusalama nzila mosi, yakevuanda “kidimbu” samu na kuzaba bilumbu ya nsuka.
BENO TATAMANA KUKENGA!
Ntoto kena kubebisama—Yinki Biblia metuba?
Verse mosi ya Biblia memonisa mambu tatu yina metadila mambu ya mpasi yina kena tula planete na beto na kivonza.
MAMBU YINA METADILA BETO
Lomba muntu mosi kuiza tala nge
Tubila kiuvu mosi ya Biblia, to longuka kuzaba mambu mingi yina metadila Bambangi ya Yehova.
