Lapolo mosi ya yimpa ya yinza ya mvimba metuba ti, a muntu mosi na kati ya bantu yiya kekukimonaka ti yandi kele yandi mosi.

•    “Muntu nionso lenda kukimona ti yandi kele kaka yandi mosi, yavuanda yandi kele na yinki mvula to yandi kevuandaka na yinki kisika.”—Chido Mpemba, Mosi ya baprezidan ya komision yina ketadilaka nguizani ya bantu ya Nkubukulu yina ketadilaka mavimpi na yinza ya mvimba (O.M.S).

 Na lusuasanu na mambu yina bantu mingi kekanisaka, kukimona ti nge kele kaka nge mosi kekuminaka kaka ve bambuta to bantu yina kele na kisika ya bau mosi, kasi yakekuminaka mpe bantuenia, bantu yina kele na mavimpi ya mbote, bantu yina kele na luzingu ya mbote, mpe bankuelani. Kukivambula na bantu yankaka mpe kukimona ti nge kele kaka nge mosi lenda bebisa mavimpi ya nzutu mpe ya makanisi.

•    Vivek Murthy, yina kele munganga yina kesalaka baoperasion na États-Unis metuba: “Kukimona ti nge kele kaka nge mosi zola monisa kaka ve kuvuanda na banguilu ya yimbi. Kukondua kuvuanda kintuadi na bantu yankaka lenda nata lufua mutindu mosi na lufua yina lenda kumina muntu yina kekunuaka basigareti 15 na kilumbu.”

 Mvangi na beto kezolaka ve beto vuanda kaka beto mosi. Lukanu ya Nzambi kevuandaka ntangu nionso ti bantu vuanda kintuadi na bantu yankaka na kiese.

•    Nsikudukusu ya Biblia: “Nzambi tubaka ti: ‘Yakele mbote ve muntu tatamana kuvuanda yandi mosi.’”—Kuyantika 2:18.

 Nzambi kezolaka ti beto kudisa nguizani ya mbote na yandi. Yandi melaka ti yandi kepusana penepene na beto kana beto kena kusala bangolo ya kupusana penepene na yandi.—Yakobo 4:8.

•    Nsikudukusu ya Biblia: ‘Kiese na bantu yina kebakusaka nsatu na bau ya mambu ya kimpeve, samu Kimfumu ya dizulu kele ya bau.’—Matayo 5:3.

 Nzambi kezolaka ti beto sambila yandi kintuadi na bantu yankaka. Kana beto kena kusala plina, yakesadisa beto na makanisi.

•   Nsikudukusu ya Biblia: ‘Beto tulanaka dikebi samu beto pusama na nzola mpe na kusala bisalu ya mbote, beto bika ve kukutakana kintuadi, . . . kasi beto kindasana.’—Baebreo 10:24, 25.

 Samu na kuzaba mambu yankaka na diambu metadila mfunu ya kunuanisa makanisi ya kumona ti nge kele kaka nge mosi, tanga disolo “La solitude à l’ère de la communication.”