Bubu yayi, yakele na mababa kana 70 milion na yinza ya mvimba, mpe samu na kusolola bakesadilaka mosi ya bandinga ya mababa kuluta 200. Diambu ya kiadi, mbala mingi bantu yankaka kesadilaka mababa mambu na mutindu ya yimbi, mutindu mambu yayi melanda kena kumonisa yau:

•   “Na yinza ya mvimba, yinsua ya mababa mpe ya bantu yina kekuwaka mbote ve ketulamaka dikebi ve.”—Asosiasion ya mababa ya buala ya États-Unis.

•   “Mababa yina kezingaka na babuala yina ekonomi na yau kele mbote kevuandaka mpenza bamputu, mpe yakevuandaka mpasi samu na bau na kutanga bakalasi ya mbote, na kubaka kisalu, mpe na kubaka bansangu.”—Federasion ya yinza ya mvimba ya mababa.

 Yinki mutindu Nzambi kekukimonaka samu na mababa? Yinki Biblia metuba samu na mababa? Mpe yinki mutindu Bambangi ya Yehova kena kusadisa bau bubu yayi?

Mutindu Nzambi ketadilaka mababa

 Biblia memonisa ti Yehova a Nzambi ketudilaka mababa dikebi. Yandi kezoloka basadila bau mambu na mutindu ya lunungu mpe bau diaka babaka malongi yina kekatukaka na yandi.

 Nsikudukusu ya Biblia: ‘Nge fueti singa ve muntu ya kufua makutu.’—Levi 19:14.

 Nsikudukusu ya Biblia: ‘Nzambi keponaka bilungi ve.’—Bis 10:34.

 Nsikudukusu ya Biblia: ‘Yesu vuandaka kuenda . . . , samuna nsangu ya mbote ya kimfumu.’—Matayo 9:35.

 Nsikudukusu ya Biblia: Kutu Yesu vuandaka sala ti ‘bantu ya kufua makutu kuwa mpe mababa tuba.’—Marko 7:37.

 Nsikudukusu ya Biblia: ‘Makutu ya bantu ya kufua makutu kezibuka.’—Yezaya 35:5.

 Nsasulu: Yehova samunaka ti mababa kekuwa.—Yezaya 29:18.

Mutindu Bambangi ya Yehova kena kusadisa mababa bubu yayi

 Bambangi ya Yehova kena kusamunina mababa nsangu ya mbote na yinza ya mvimba. Yinki mutindu beto kesalaka yau? Beto kebimisaka Babiblia mpe bavideo ya ndongokolo ya Biblia na bandinga ya mababa kuluta 100. Beto kepesaka malongi ya Biblia mpe beto kebongisaka balukutakanu ya Buklisto na ndinga ya mababa. Beto kesalaka yau kondua kulomba mbongo na muntu nionso yina kele na nsatu ya lusadusu ya Nzambi. Samu na yinki? Samu Yesu pesaka ntumu ti: ‘Beno mebaka ofele, beno pesa mpe ofele.’—Matayo 10:8.

 Nge lenda baka malongi yango na internet to kutelesharje yau na apareyi na nge na nzila ya site yayi:

 JW.ORG. Niema kisika yina bamesonika ndinga na zulu ya konso paje ya site samu na kumona ndinga ya mababa yina nge kena kusosa.

 Aplikasion JW Library ndinga ya mababa. Telesharje yau ofele na apareyi na nge, mpe nge kevuanda na dikoki ya kutelesharje bavideo na ndinga ya mababa.

Yinki mitindu beto kesadilaka samu na kupesa malongi ya Biblia?

 Biblia na ndinga ya mababa. Biblia Mbangudulu ya Yinza ya Yimpa ya Masonukua ya nlongo na ndinga ya mababa ya Amérique vuandaka Biblia ya ntete yina bimisamaka na mvimba na yau na ndinga ya mababa na yinza ya mvimba. Bubu yayi Biblia Mbangudulu ya Yinza ya Yimpa ya Masonukua ya nlongo na ndinga ya mababa mebimisamaka na mvimba to na ndambu na yau, mpe bandinga mingi yankaka kena kubuelama konso mvula. (Samu na kumona liste ya bandinga to kutanga Biblia na nzila ya internet tala ankadre “ Biblia Mbangudulu ya Yinza ya Yimpa ya Masonukua ya nlongo na ndinga ya mababa.”)

•   Tala video Biblia Mbangudulu ya Yinza ya Yimpa ya Masonukua ya nlongo na mvimba na yau yina kele na ndinga ya mababa ya Amérique.

•   Samu na kukudisa makoki na nge ya ntangulu ya Biblia, telesharje aplikasion JW Library na ndinga ya mababa. Aplikasion yango kesadisa nge nge pona baverse yina nge kena kusosa na ndinga ya mababa.

•   Dmytro mpe Vita kele bibuti yina kele mababa, kasi bana na bau kele mababa ve. Tala mutindu dibuta na bau kebakaka mambote na kutalaka video ya Biblia na ndinga ya mababa konso kilumbu.

 Bavideo yina kelongaka Biblia. Bambangi ya Yehova kebimisaka bavideo na ndinga ya mababa yina kesadisaka bantu samu na kubakusa mpe kusadila malongi ya mbote ya Biblia samu na . . .

•   Bankuelani mpe mabuta

•   Bantuenia mpe bambuta yina kele ntete bantuenia

•   Bana

 Ndongokolo ya Biblia samu na konso muntu. Longuka nsangu ya Biblia na ndinga ya mababa na programe na nge mosi na lusadusu ya nlongisi na nge. Lomba ndongokolo ya Biblia ya ofele.

 Jeson Senajonon kezingaka na Philippine. Tala mutindu ndongokolo na beto ya Biblia sadisaka yandi yandi kudisa kinkundi ya ngolo na Nzambi.

 Mario Antúnez vuandaka pastere ya dibundu na Honduras. Mona mutindu yandi bakaka bamvutu na biuvu yina metadila Biblia, mutindu disolo na yandi mesasila yau “Nazalaki na mituna mingi kasi ezangaki biyano.”

 Balukutakanu mpe bankinzi. Na yinza ya mvimba beto kele na bimvuka mpe na bagrupe na ndinga ya mababa, kisika mababa kekutakanaka samu na kulonguka mpe kusala nsambudulu konso sabala. Beto kebongisaka bankinzi ya nene na ndinga ya mababa samu na malongi ya Biblia ya konso mvula. Na balukutakanu na beto mpe na bankinzi, beto kebangudilaka bantu yina kekuwaka ve mpe kemonaka ve na kusalaka bajeste ya kusimba bau na maboko. Beto kesadilaka diaka mikanda ya braille mpe yakevuandaka ya ofele.

•   Sosa kimvuka yina kele pembeni na kisika yina nge kevuandaka.

•   Longuka mambu metadila balukutakanu ya nene yina beto kesalaka konso mvula.

•   Kukutakana na Mbambukulu ya lufua ya Yesu kele nkinzi yina meluta mfunu na mvula samu na beto.

 José Luis Ayala kezingaka na Mexique. Yandi butukaka dibaba mpe na manima yandi vuandaka mona diaka ve. Longuka mutindu yandi bakaka lusadusu samu yandi kuma nlongisi ya Biblia ya makoki.