Bantu kelembaka nzutu kana bantu yina kemonanaka lokola bamebonga batudila bau ntima, bakena kusala mambu yina kemonisaka ti babonga ve batudila bau ntima. Bantu mingi melembaka kutula ntima na . . .

•   bamfumu ya politiki yina ketulaka mambote na bau mosi na kisika ya ntete na kisika ya kutula nde mambote ya bantu yankaka na kisika ya ntete.

•   bansangu ya radio, ya televizion, to ya internet yina kepesaka ve bansangu na mutindu ya mbote mpe ya sikisiki.

•   bantu ya sianse yina kesalaka ve samu na mambote ya bantu yankaka.

•   bamfumu ya mabundu yina kepesaka maboko na politiki na kisika ya kuvuanda bamonisi ya Nzambi.

 Bantu kele na yinsua ya kupona mbote muntu yina baketudila ntima. Biblia mepesa nduengoso ti:

•   ‘Beno tula ntima ve na bantu ya nene to na bantu yankaka yina lenda vukisa beno ve.’​—Nkunga 146:3, La Bible en Kituba.

  Biblia kena kumonisa muntu yina nge lenda tudila ntima: Yesu Klisto. Yandi vuandaka kaka ve muntu ya mbote yina zingaka basiekle mingi. Nzambi mepona Yesu samu na “kuyala . . . lokola Ntinu . . . , mpe Kimfumu na yandi kevuanda na nsuka ve.” (Luka 1:32, 33) Yesu kele Ntinu ya Kimfumu ya Nzambi, guvernema yina kena kuyala bubu yayi na dizulu.—Matayo 6:10.

•   Samu na kuzaba mfunu yina nge lenda tudila Yesu ntima, tanga masolo “Nani azali Mokonzi ya Bokonzi ya Nzambe?” mpe “Bokonzi ya Nzambe ekosala makambo nini?”