Surasak Suwanmake/Moment via Getty Images
BENO TATAMANA KUKENGA!
Tiya ya ngolo na nsungi ya mvula na 2023—Yinki Biblia metuba?
Bantu kena kuniokuama na yinza ya mvimba samu na tiya ya ngolo mpe samu na mambu yankaka yina tiya yango kena kubimisa. Tala balapolo yayi melanda:
“Ngonda ya juin vuandaka ngonda mosi ya tiya ya ngolo banda bamebandaka kulandela mambu metadila klima na yinza ya mvimba yameluta bamvula 174.”—Agence américaine d’observation océanique et atmosphérique [NOAA], États-Unis, département du Commerce, 13 juillet 2023.
“Italie, Espagne, France, Allemagne mpe Pologne, babuala yango nionso kele na tiya ya ngolo yina lenda kuma na 48°C na badezere ya Sicile mpe ya Sardaigne – Yalenda vuanda mbala ya ntete yina tiya ya mutindu yina memonana na Europe.”—Agence spatiale européenne, 13 juillet 2023.
“Lokola planeti kena kukuma na tiya ya ngolo kuluta, beto kena kukivingila kumona bamvula ya ngolo yina kenata kufuluka ya maza ya nsomo.”—Stefan Uhlenbrook, directeur de l’hydrologie, de l’eau et de la cryosphère à l’Organisation météorologique mondiale, 17 juillet 2023.
Nge kena kubanga na kumona mutindu balapolo ya mutindu yayi kena kubuelama? Beto tadila yina Biblia kena kutuba samu na mambu ya mutindu yayi.
Kubeba ya ngolo ya klima kena kukokisa bambikudulu ya Biblia?
Ee. Tiya ya ngolo yina kena kumonana na yinza mpe mambu yankaka ya mpasi yina metadila klima kele mambu yina Biblia samunaka samu na ntangu na beto. Na kifuani, Yasamunaka ti beto kemona ‘mambu yina kebangisaka.’ (Luka 21:11) Kubuelama ya tiya na yinza ya mvimba kena kusala ti bantu mingi banga na kukanisaka ti bantu kebebisa ntoto.
Ntoto kekuma kisika yina bantu lenda zinga diaka ve?
Ve. Nzambi salaka ntoto samu yavuanda kisika yina beto kevuanda samu na mvimbamvimba; yandi kebika ve nzila ti bantu bebisa yau. (Nkunga 115:16; Longi 1:4) Kutu, yandi melaka ti yandi ‘kebebisa bantu yina kebebisaka ntoto.’—Kusonga 11:18.
Biblia memonisa ti Nzambi lenda tanina ntoto na bivonza, mpe yandi kesala yau.
‘[Nzambi] kekitisaka mupepe ya ngolo; bavage ya nzadi-mungua kekumaka niee.’ (Nkunga 107:29) Nzambi kele na kilendo ya kuyala bima nionso yina yandi mesalaka.Yandi kele na dikoki ya kubongisa mambu ya mpasi yina kubeba ya klima menatinaka bantu.
‘Nge ketudilaka ntoto dikebi, nge kesalaka ti yabuta mingi mpenza mpe yakuma na kimvuama mingi.’ (Nkunga 65:9) Na lusakumunu ya Nzambi, ntoto kekuma paradiso.
Samu na kuzaba mambu yankaka samu na nsilulu yina Biblia mepesa ya kubongisa ntoto, tala disolo “Qui sauvera la terre?”
Tala diaka...
MAMBU YANKAKA
Kusoba ya klima mpe luzingu na beto na bilumbu kena kuiza—Yina Biblia metuba
Mvangi na beto ketudilaka ntoto mpe bantu yina kezingaka kuna dikebi?
MALONGI YA NGUDI YA BIBLIA
Samu na yinki Nzambi semaka ntoto?
Yinza na beto kele ya kufuluka na bima ya kitoko. Distance yina mekabula yau na muini kele mpenza ya kufuana, yatuluaka na angle mosi ya mbote, mpe yakebalukaka na vitesi ya mbote. Samu na yinki Nzambi bimisaka ngolo nionso yina samu na kusala ntoto?
MAMBU YINA METADILA BETO
Lomba muntu mosi kuiza tala nge
Tubila kiuvu mosi ya Biblia, to longuka kuzaba mambu mingi yina metadila Bambangi ya Yehova.
