Samu na bantu mingi, kusadila bantu ya bankanda nionso mambu mutindu mosi kele lokola ndozi yina lenda kokisama ve.

•    “Kupona bankanda kele lokola puazon yina kena kutatamana kubebisa bankubukulu, mambu ya bantu mpe luzingu na bisika nionso yina bantu kele. Kupona bankanda kena kutatamana kutinda bantu basadila bantu yankaka mambu na mutindu mekondua lunungu.”—António Guterres, Secrétaire général de l’ONU.

 Yalenda salama ti basadila bantu ya bankanda nionso mambu mutindu mosi? Yinki Biblia metuba?

 Biblia kena kulonga beto mutindu Nzambi ketadilaka bantu ya bankanda mesuasana.

•    “[Nzambi] bimisaka makanda nionso ya bantu, samu bavuanda na kitandu ya mvinba ya ntoto.”—Misala 17:26.

•    

 Biblia memonisa ti bantu nionso kele kaka bantu ya dibuta mosi mpe Nzambi kendimaka bantu ya bankanda nionso.

 Kimfumu ya Nzambi, guvernema ya dizulu nde kesala ti bankanda nionso kuma mutindu mosi. Guvernema yango kelonga bantu mutindu ya kusadila bantu yankaka mambu na mutindu ya mbote. Bantu kelonguka mutindu ya kukatula banguilu yina balenda vuanda na yau ya kupona bankanda.

•    “Bantu yina mevuanda na ntoto bakelonguka lunungu.”—Yisaya 26:9.

•    “Lunungu ya kedika kenata kiyenge, mpe mbuma ya lunungu ya kedika kenata kiyenge mpe lutanunu samu na mvimbamvimba.”—Yisaya 32:17.

 Bubu yayi, bamilion ya bantu kena kulonguka na Biblia mutindu ya kusadila bantu yankaka mambu na luzitu mpe na lokumu.

•    Samu na kuzaba mambu yankaka, tanga zulunalo Lamuká! yina kele na yintu ya diambu “Kokanisela baninga mabe ekosila?”

•    Tanga disolo “Comment parler de racisme à votre enfant” samu na kuzaba mutindu bibuti lenda solola diambu yango na yinzo.