KAMPANYE YA MBAMBUKULU
Yesu kemanisa kimputu
Ntangu Yesu vuandaka na ntoto, yandi monisaka nzola ya nene yina yandi vuandaka na yau samu na bantu, mingimingi na bantu yina vuandaka bamputu mpe bantu yina vuandaka na mpasi. (Matai 9:36) Yandi pesaka ata luzingu na yandi samu na mambote ya bantu yankaka. (Matai 20:28; Yoane 15:13) Ntama mingi ve, yandi kemonisa diaka ti yandi kezolaka bantu na kusadilaka kimfumu na yandi mpe kilendo na yandi lokola Ntinu ya Kimfumu ya Nzambi samu na kumanisa kimputu na ntoto ya mvimba.
Biblia mesadila bampova mosi ya kitoko samu na kumonisa mambu yina Yesu kesala:
‘Bika yandi samba samu na bantu mpamba na kati ya bantu, yandi vukisa bana ya mputu.’—Nzembo 72:4.
Yinki mutindu beto lenda monisa butondi na mambu nionso yina Yesu salaka mpe yina yandi kesala samu na beto? Na bampova yina kele na Luka 22:19, Yesu tubilaka banlonguki na yandi babambukilaka lufua na yandi. Yau yina konso mvula, na dati yina yandi kufuaka, Bambangi ya Yehova kesanganaka kintuadi. Beto mebokidisa nge nge kuiza sangana na beto na Mbambukulu ya lufua ya Yesu na kilumbu ya dimanche 24 mars 2024.
Tala diaka...
MBAMBUKULU
Kanisa lufua ya Yesu
Beto mebokidisa nge nge kuiza sangana kintuadi na beto na diluaku yango ya mfunu. Nge kelonguka mutindu lufua ya Yesu lenda natina nge mambote.
MAMBU YINA METADILA BETO
Mbambukulu ya lufua ya Yesu
Bambangi ya Yehova kena kubokidisa nge na Mbambukulu ya lufua ya Yesu na kilumbu ya 12 avril 2025.
MALONGI YA NGUDI YA BIBLIA
Samu na yinki Yesu kufuaka?
Yalenda vuanda nge mekuwaka ti yandi kufuaka samu na masumu na beto. Kasi nkayilu ya muntu mosi kaka lenda mpenza kupesa mambote na bamilion ya bantu?
MAMBU YINA METADILA BETO
Lomba muntu mosi kuiza tala nge
Tubila kiuvu mosi ya Biblia, to longuka kuzaba mambu mingi yina metadila Bambangi ya Yehova.
