Bavideo ya lukutakanu na beto ya nene kesimbaka mingi mintima na beto, mpe yakesadisaka beto beto bakusa mbote mbote malongi ya Biblia. Lukutakanu ya nene ya 2020 “Beno sepelaka ntangu nionso”! kele na bavideo 114, buela 43 diskur yina salamaka na bampangi ya Kimvuka ya Ntuadisi mpe ban’sadisi na bau. Nge mekukiyuvusaka kana kubimisama ya bavideo yango kevuandaka kisalu ya yinki mutindu, mpe mbongo yikua yakelombaka samu yabimisama?

 Bampangi kana 900 ya yinza ya mvimba pesaka ntangu na bau mpe makoki na bau samu na kupesa maboko na kubimisama ya programe yango. Samu na kusala projet yango, yalombaka bampangi sala bawola 100 000 kaka na kilokola ya bamvula zole. Na kati ya bawola yango, 70 000 ya bawola pesamaka kaka samu na kusala drame ya Nehemia: “Esengo ya Yehova ezali esika makasi ya libateli na bino.”

 Kasi mutindu kaka beno lenda kanisa yau, nionso yina kesosaka mbongo mingi, yalombaka bantu yina kepesa maboko bakudia, babaka kisika ya kuleka, bima ya kusadila, bisika ya kusadila, mpe bima yankaka.

 Mpangi Jared Gossman, yina kepesaka maboko na departema ya audio/video metuba: “Komite ya malongi yina kele mosi ya bakomite ya Kimvuka ya Ntuadisi, kezolaka ti bavideo na beto monisa mitindu nionso ya banzingulu mpe babuala. Yakele mutindu ya kumonisa puelele ti dibuta na beto mesangisa bampangi ya yinza ya mvimba.” “Samu na yau baekipi 24 ya babuala 11 salaka kintuadi na projet yango. Samu nguizani yango salama mbote, yalombaka makoki mingi, bankubukulu mingi, mpe lutuadusu ya mbote.”

 Samu na kusala mingi ya bavideo na beto, yakelombaka kusala bifikula ya mbote, mpe bima yankaka yina melombama samu na yau. Na kifuani, drame ya Nehemia: “Esengo ya Yehova ezali esika makasi ya libateli na bino” batungaka bifikula ya kusadila na kati ya studio ya Mount. Ebo pembeni ya Patterson, na New York. Samu na kusadila makabu na mutindu ya mbote mpe kusala drame yango na kumonisaka kaka mambu ya bilumbu ya Nehemia, bampangi salaka bifikula ya mindondo ve samu na kulanda kifuani ya bibaka ya Yerusaleme ya ntama. Konso kima salamaka na mabaya ya yinda ya bametre 6, yina bapakulaka fulufulu samu yabima lokola dibanga. Balendaka soba “bibaka” yango bisika mpe kusadila yau na ba scene yankaka, yau salaka ti bisadulu vuanda mingi ve. Atako mutindu yina, bifikula samu na drame ya mpamba kaka lombaka badolare 100 000. a

 Bansangu nionso yayi kena kutinda beto vuanda diaka na butondi samu na programe ya lukutakanu ya nene ya mvula yayi. Beto mendimisama ti na manima ya kusala mingi samu na kubimisa programe yayi, bantu ya yinza ya mvimba ketonda Yehova na kukumisaka yandi kintuadi. Beto kena kutonda beno samu na makabu yina beno kepesaka na nzola na nzila ya site donate.pr418.com mpe na mitindu yankaka samu kisalu na yinza ya mvimba kuenda na ntuala.