Mutindu beto ke na talak’ yawu na mvita yina ke na salamá na bwala ya Ukraine, bamfumu ya mabuundu ya bakristo ke na natá bantu na kukota na mvita yayi. Beno tala bamambu yina ke na lakisá ti ya ke na bamfumu ya mabuundu yina ke na kotilá Russie, mpe ba ya nkaka ke na kotilá Ukraine:

•   “Lukumu mpe matondo mingi na ba yina nyonso ke na nwaná samu na kubumba bwala ya beto Ukraine na bambeni ya beto. . . Beto ke kaka na beno na bantima ya beto, mpe balusambu ya beto.”—Me zonza métropolite Épiphane ya mbanza ya Kiev, mutindu beto lenda tanga yawu na Jerusalem Post ya kilumbu ya 16 mars 2022.

•   “Na ntangu yina basoda ya Russie ke na nwaná na Ukraine, na kilumbu ya lumingu, mfumu ya dibuundu ya orthodoxe salaka kilokola na kusambila samu na basoda ya Russie, mpe yandi kindisá bawu na kunwana samu na bwala ya bawu, ‘na mutindu yina kaka bantu ya Russie zaba kusala yawu.’”—Reuters na kilumbu ya 3 avril 2022.

 Bakristo me bonga kukota kwandi na bamvita? Yinki Biblia ke zonzaka?

 Biblia ke lakisá ti bilandi ya Yesu ya tsyeleka ke kotá ve na bamvita.

•   “Vutula mbele ya nge na kisika ya yawu samu ti konso muntu yina ke nwanaka na mbele, ke kufwaka mpe na mbele.”—Matayi 26:52.

   Muntu yina ke talá ti bamvita ke mbote to ke nwaná na bamvita ke landá kwandi dilongi ya Yesu yayi?

•   “Mu ke na kupesa beno musiku ya malu-malu: Beno zolasana beno na beno. Mutindu mu zolaka beno, beno zolasana beno na beno. Kana beno zolasana beno na beno, bantu nyonso ke zaba ti beno kele bilandi ya munu.”—Yoane 13:34, 35.

   Muntu yina ke kotá na bamvita ke lakisá kwandi luzolo yina Yesu zonzá ti ba ke zabila bilandi ya yandi?

 Samu na kuzaba dyaka mingi, tanga “ Peut-on concilier guerre et christianisme ? ”

 Bubu yayi, bakristo lenda manga kwandi kukota na bamvita? Ee. Biblia zonzá ti na ntangu ya beto, yina ya ke bokilá “bilumbu ya nsuka,” ya ke vanda na bantu ya babwala nyonso yina ‘ke longoka dyaka ve bamvita,’ mutindu Yesu longak’ yawu.—Izaya 2:2, 4.

•   Samu na kuzaba dyaka mingi, tanga naYinzo ya Kengidi disolo yina ke na yintu dyambu “ La guerre : qu’en pense Dieu ? ”

 Na mwa ntangu fioti Yehova, a ‘Nzambi yina ke pesaka kizunu,’ ke sadila Kimfumu ya yandi ya mazulu samu na kukuula bantu ‘na bampasi mpe na mubulu.’—Bafilipi 4:9; Nkunga 72:14.

•   Na kutala wa’ faso yandi ke lungisa yawu tala video, Kimfumu ya Nzambi ke yinki?