BENO LALA VE!
Bantu ke na bebisá ntoto. Yinki Biblia ke zonzá samu na yawu?
António Guterres, Secrétaire général ya ONU salá discours yina yandi zonzilá Rapport du Groupe d’experts intergouvernemental sur l’évolution du climat, yina basiká na kilumbu ya 1er avril 2022. Na discours yango, yandi zonzilá mambu yayi: “Bubu yayi, kilima ke na bebá na mbangu. Babwala mingi ke na dyamaka. Bantangu ya ngolo yina nabunu beto tala mpe bamvula ya nene yina ke na mipepe ya ngolo ke na salamaka. Na bisika mingi, maza me kuma mpasi. Mpe mitindu mingi ya bayinti na ya bibulu ke na zimbanaka. Mambu yayi ke ve luvunu. Beto ke na zonzá kaka bamambu faso ya ke na salamaka. Beto me lutisa ve. Bantu ya mayela ke zonzá ti nyonso yayi ke na salamá samu bamfumu ya babwala ke na sobá ve misiku na yina me tadila faso ya kusadila bima yina ke na ntoto.”
Na disolo yina The New York Times basisá na kilumbu ya 15 juin 2022, ba zonzaka: “Bantu ya mayela ke na kebisá beto ti na mwa ntangu fioti ba parcs 423 yina ke na États-Unis ke bebana samu ti kilima ke na sobaka. Ni bantangu ya ngolo ke sala ti ya beba. Ntangu ya nkaka, beto ke banda kutala bamambu nyonso ya mpasi yina beto ke tangá na Biblia: batiya na bamvula yina ke dyamisá babwala, bamaza ya matadi ya nene yina ke na sulumukaka, kufuluka ya banzadi ya mungwa mpe bantangu ya ngolo.”
Bamambu yina ke salá ti ntoto bebana, ya ke kwandi na kilumbu yina ya ke manisa? Nani ke manisa yawu? Tala yinki Biblia ke zonzaka.
Biblia zonzá ti bantu ke bebisa ntoto
Biblia ke zonzá ti Nzambi ke kufwa “bantu yina ke bebisaka ntoto.” (Luzabusu 11:18) Na verse yayi, beto ke longoká bamambu tatu:
1. Bantu ke sala bamambu yina ke bebisa ntoto.
2. Bamambu yina ke salá ti ntoto bebana ke manisa.
3. Ni Nzambi ke yidika bamambu ya ntoto, kasi bantu ve.
Ntoto ke vanda mbote na mantwala
Biblia ke zonzá ti ‘ntoto ke bikanaka ya mankululu.’ (Longi 1:4) Bantu ke vanda kaka na zulu ya yawu.
‘Bantu ya lunungu ke baka ntoto, mpe ba ke zinga mankululu na zulu na yawu.’—Nkunga 37:29.
Nzambi ke belusa ntoto.
‘Ntoto-makanga na ntoto ya kuyuma ke vanda na kyese, mpe yinsi ya kuyuma ke yangalala mpe ke basisa bifulu mutindu safrani.’—Izaya 35:1.
Beno tala mpe...
ESSENTIAL BIBLE TEACHINGS
Samu na yinki Nzambi salá ntoto?
Ntoto ke ya kufuluka na bima ya kitoko. Yandi tulá yawu kisika yina me fwanana na ntangu, ya ke tengamá na mutindu ya mbote, mpe ya ke baluká na mbangu yina me lunga. Samu na yinki Nzambi sadilá ngolo ya yandi na kuyidika ntoto?
MAMBU YINA ME TADILA BETO
Kwiza na lukutakanu mosi
Tala mwa bamambu na yina me tadila balukutakanu ya beto. Sosa kisika yina balukutakanu ya beto ke salamá pene-pene na kisika yina nge kele.
