Kompani mosi na nkumbu ya Catholic News Service zonzá ti na lukutakanu yina salamá na kilumbu ya 25 mars 2022, pape François telamá na mantwala ya kiteki ya Maria na église Saint-Pierre. “Meso ya kukangama, yintu na yinsi, yandi sambilá na yinsi ya ntima.” Yandi “bondilá Maria” na kusala ti kizunu vanda. Disolo mosi ya Vatican news bwelá ti “pape sambilá samu na kupesa yinza nyonso na ntima ya santu ya Maria, mingi-mingi bantu ya Russie na ya Ukraine.”

 Yinki nge ke na kanisaka? Ya ke kwandi mbote na kusambilá na mantwala ya biteki to na kusadilaka yawu samu na kusambila? Beto tala yina Biblia ke zonzaka:

•   ‘Nge fwana kudisadila ve kiteki to kima mosi yina ke kifwani ya konso kima yina kele na zulu to na ntoto to na maza yina kele na yinsi ya ntoto. Nge fwana kufukimina ve yawu to kubika ve ti bawu nata nge na kusadila yawu, samu munu Yehova Nzambi ya nge, munu kele Nzambi yina ke lombaka ti bawu kangama kaka na yandi.’—Kubasika 20:4, 5. a

•   ‘Biteki ya bawu kele arza mpe wolo, kisalu ya maboko ya muntu. Yawu kele na yinwa, kasi yawu ke tubaka ve; Yawu kele na meso, kasi yawu ke talaka ve; Yawu kele na makutu, kasi yawu ke waka ve; Yawu kele na mbombo, kasi yawu ke waka ve nsunga; Yawu kele na maboko, kasi yawu ke simbaka ve; Yawu kele na makulu, kasi yawu ke tambulaka ve; malaka ya yawu ke basisaka ve ndinga. Bantu yina ke salaka yawu ke kuma kaka faso yawu, bayina nyonso mpe ke tudilaka yawu ntima ke kuma faso yawu.’—Nkunga 115:4-8.

•   ‘Munu kele Yehova. Ni yina nkumbu ya munu; Munu ke pesaka ve nkembo ya munu na muntu ya nkaka, munu ke pesaka mpe ve lukumu ya munu na biteki.’—Izaya 42:8.

•   “Beno kima na kusambila banzambi ya biteki.”—1 Bakorinto 10:14.

•   “Beno sala keba na banzambi ya biteki.”—1 Yoane 5:21.

 Samu na kuzaba dyaka mingi na yina Biblia ke zonzá na yina me tadila kusadila biteki ntangu beto ke sambilá, tanga “D’après la bible : Les images réligieuses” to tala video Nzambi ke ndimá kwandi beto sadila biteki ntangu beto ke sambilaka yandi?

 Nge lenda vanda mpe na nsatu ya kuzaba yina Biblia ke zonzá na yina me tadila byuvu yayi:

•   “ La Vierge Marie : Que dit la Bible à son sujet ?”

•   “ Devrait-on prier la vierge Marie ?”

•   “ La Vierge Marie : Que dit la Bible à son sujet ?”

•   “ La paix dans le monde : comment sera-​t-​elle établie ?”

Kisika beto me kuzwa foto: Vincenzo Pinto/AFP via Getty Images