Mbala mosi na mvula, Bambangi ya Yehova mpe ba milions ya bantu yina ba me bokila na yinza nyonso ke landa lukutakanu ya kubambuka moyo lufwa ya Yesu, kaka mutindu yandi lombak’ yawu. (Luke 22:19) Lukutakanu yayi ke sadisá beto na kuzaba mfunu ya mambu yina Yesu salá ntangu yandi pesá luzingu ya yandi samu na bantu. Lukutakanu yango ke lakisá mpe yinki munkayulu ya Yesu zola zonza samu na beto banda bubu yayi, mpe na bilumbu ke kwiza.—Yoane 3:16.

 Ya vanda ti nge me lenda kulanda lukutakanu yango to ve, wa’ faso nge lenda kuzwa bambote ya munkayulu ya Yesu? Beto me lunga kusala bima zole yina Yesu longaka:

1.  1. Longoka kuzaba Nzambi mpe Yesu. Yesu salá lusambu na Tata ya yandi. Na lusambu yina, yandi zonzaka: ‘Luzingu ya mvula na mvula, ni kuzaba nge Nzambi kaka mosi ya tsyeleka, mpe kuzaba Yesu Kristo, muntu yina nge filisaka.’—Yoane 17:3.

2.  2. Sadila bamambu yina nge ke longokaka. Yesu zonzá pwelele ti beto me lunga kusadila malongi ya yandi na luzingu ya beto. Na kifwani, yandi sukisá discours yina yandi salá na zulu ya mongo na kusiiká muntu nyonso yina “ke kuwaka mambu ya [yandi] mpe ke sadilaka yawu.” (Luke 6:46-48) Kilumbu ya nkaka, yandi zonzaka: ‘Ntangu yayi, beno zaba mambu yayi. Kana beno sadila yawu, beno ke vanda na kyese.’—Yoane 13:17.

 Nge ke na nsatu ya kuzaba mingi na yina me tadila Nzambi na Yesu? Nge ke kwandi na nsatu ya malongi na yina me tadila faso ya kusadila bamambu nge ke na longokaka? Mwa bamambu lenda sadisa nge ni yayi.

 Malongi ya Biblia yina beno ke pesá ya mpamba, me sadisa bantu mingi na kutadila mbote-mbote mambu yina Biblia ke zonzá mpe kusadila yawu na luzingu ya bawu.

•   Tala na kitini Longoka Biblia na mbangi mosi ya Yehova na kuzaba mingi na faso ya ke lutilaka.

•   Tala video Faso ya kulongoka Biblia na buku yayi na kutala faso kulongoka ya Biblia na Bambangi ya Yehova ke salamaka.

 Bambangi ya Yehova ke vukaná na Yinzo ya Kimfumu (kisika yina ba ke salá balukutakanu ya bawu) bambala zole na lumingu. Na balukutakanu yango, beto ke longoká mambu ya Biblia mpe faso beto lenda sadila yawu na luzingu.

 Nge ke ve na nsatu ya kuvanda Mbangi ya Yehove samu na kukwiza na balukutakanu yango. Muntu nyonso lenda kwiza. Nge lenda kwiza na Yinzo ya Kimfumu samu na kulanda lukutakanu, to na nzila ya internet, na kulandá faso bamambu ke lutilá kisika nge kele.

•   Tala video Yinki ke salamá na Yinzo ya Kimfumu? samu na kuzaba yinki ke lutá na balukutakanu yango.

•   Samu na kuzwa kimvuka yina ke ve ntama na nge, kwenda na kitini Balukutakanu ya Kimvuka ya Bambangi ya Yehova.

 Masolo mpe bavideo mingi yina ke na site (internet) yayi lenda sadisa nge na kuzaba mingi na yina me tadila malongi ya Yesu mpe mfunu ya lufwa ya yandi.

 Na kifwani, na kuzaba wapi mutindu ya lenda salama ti na nzila ya muntu mosi ba milions ya bantu ke kuzwa bambote, tanga disolo yayi “Jésus sauve: comment?” mpe “Wapi faso lufwa ya Yesu lenda vuukisa beto?” to tala video Samu na yinki Yesu fwaka?