Yesu zaba mpasi yina ya ke salaka ntangu ba ke salaka beto mambu ya yimbi. Ntangu yandi vandaka awa na ntoto, ba vuninaka yandi bamambu, ba bulaka yandi, ba sambisaka yandi mpe ba zonzaka ti yandi me lunga kufwa, ata ti yandi salaka ata mambu ya yimbi. Na manima, ba kufwaka yandi na mutindu ya mpasi. Ata ti yandi salaka ve mambu ya yimbi, yandi ndimaka na luzolo nyonso “kupesa luzingu ya yandi mutindu ntalu ya kufuta samu na bantu mingi.” (Matayi 20:28; Yoane 15:13) Bubu yayi, Yesu kele Mfumu ya Kimfumu ya Nzambi, mpe na mwa ntangu fioti, yandi ke nata lunungu na zulu ya ntoto ya muvimba mpe ke manisa samu na ntangu nyonso bamambu nyonso ya yimbi yina bantu ke salaka.—Izaya 42:3.

 Biblia ke zonzilaka faso yinza ke kuma ntangu Yesu ke bongisa bamambu:

•   ‘Bantu ya yimbi ke vanda dyaka ve; Nge ke tala kisika yina ba vandaka, mpe ba ke vanda ve kuna. Kasi bantu ya kukuluka ke kuzwa ntoto, mpe ba ke kuwa ya tsyeleka kyese na ngemba ya mingi.’—Nkunga 37:10, 11.

 Yinki beto lenda sala samu na kuvutula Yesu matondo na nyonso yina yandi salaka mpe yina yandi ke sala dyaka samu na beto? Na Luke 22:19, Yesu zonzaka na bilandi ya yandi na kubambuka moyo lufwa ya yandi. Na yawu, bamvula nyonso, na kilumbu yina yandi kufwaka, Bambangi ya Yehova ke vukanaka. Beto me bokila nge na kuvanda na beto na kilumbu ya Dimanche 24 Mars samu na kubambuka moyo lufwa ya Yesu.

Kuzwa kisika yina nge lenda landa lukutakanu ya kubambuka moyo lufwa ya Yesu