Ntangu Yesu vandaka na zulu ya ntoto, yandi lakisaka bantu luzolo mingi. Yandi kwendaka tii na kupesa luzingu ya yandi samu na bantu. (Matayi 20:28; Yoane 15:13) Na mwa ntangu fioti, yandi ke lakisa dyaka ti yandi ke zolaka bantu ntangu yandi ke sadila lutumu ya yandi ya Mfumu ya Kimfumu ya Nzambi samu na ‘kusukisa bamvita na ntoto ya muvimba.’—Nkunga 46:9.

 Tala faso Biblia ke zonzilaka yinki Yesu ke sala:

•   ‘Yandi ke vuukisa muntu ya bumputu (pauvre) yina ke na dilaka samu na kulomba lubakusu, mpe muntu ya kukondwa mfunu na konso muntu yina me kondwa sadisi. Yandi ke wila muntu ya kukondwa mfunu mpe muntu ya bumputu mawa, mpe yandi ke vuukisa luzingu ya bantu yina ke na bumputu. Yandi ke vuukisa bawu na bampasi mpe na mambu ya ngolo.’—Nkunga 72:12-14.

 Yinki beto lenda sala samu na kuvutula Yesu matondo na nyonso yina yandi salaka mpe yina yandi ke sala dyaka samu na beto? Na Luke 22:19, Yesu zonzaka na bilandi ya yandi na kubambuka moyo lufwa ya yandi. Na yawu, mvula yayi, na kilumbu yina yandi kufwaka, Bambangi ya Yehova ke vukana. Beto me bokila nge na kuvanda na beto na kilumbu ya Dimanche 24 Mars samu na kubambuka moyo lufwa ya Yesu.

Kuzwa kisika yina nge lenda landa lukutakanu ya kubambuka moyo lufwa ya Yesu