Ntangu Yesu vandaka na zulu ya ntoto, yandi lakisika bantu luzolo mingi, mingi-mingi na ba yina vandaka povre mpe na kati ya mpasi. (Matayi 9:36) Yandi kwendaka tii na kupesa luzingu ya yandi samu na bambote ya bantu. (Matayi 20:28; Yoane 15:13) Na mwa ntangu fioti, yandi ke lakisa dyaka ti yandi ke zolaka bantu ntangu yandi ke sadila lutumu mpe ngolo ya yandi ya Mfumu ya Kimfumu ya Nzambi samu na kusala ti na zulu ya ntoto ata muntu vanda dyaka povre.

 Na faso ya kitoko, Biblia ke lakisaka mambu yina Yesu ke sala:

•   ‘Bika yandi sambisa samu na bantu ya kukondwa mfunu na kati ya bantu, yandi vuukisa bana ya povre.’—Nkunga 72:4.

 Yinki beto lenda sala samu na kuvutula Yesu matondo na nyonso yina yandi salaka mpe yina yandi ke sala dyaka samu na beto? Na Luke 22:19, Yesu zonzaka na bilandi ya yandi na kubambuka moyo lufwa ya yandi. Na yawu, mvula yayi, na kilumbu yina yandi kufwaka, Bambangi ya Yehova ke vukana. Beto me bokila nge na kuvanda na beto na kilumbu ya Dimanche 24 Mars samu na kubambuka moyo lufwa ya Yesu.

Kuzwa kisika yina nge lenda landa lukutakanu ya kubambuka moyo lufwa ya Yesu