Baguvernema mingi na yinza me lomba na bantu na kubumba distance na bampangi, mpe ba me nimina bantu mingi na kuvukana kisika mosi. Batemwe ya Yehova ke na landá na ntima mosi misiku yina baguvernema me pesa, mpe ke na kontinye kusala balukutakanu na sekurite nyonso. Samu na kulenda yawu, bimvuka ke na sadilá ba-aplikasion ya videoconference, faso Zoom, samu na kulanda balukutakanu.

 Samu na kulanda ntangu nyonso balukutakanu, Kimvuka ya Bantwadisi (Collège Central) ndimá ba sadila mbongo ya ba-don na kusumba ba-compte ya Zoom samu na bimvuka. Ya me sadisa na faso ya kulutila bimvuka yina vandá ve na ngolo ya kuzwa ata compte ya videoconference ya 8731 to ya 11642 fcfa to ya kuluta. Bimvuka yayi vandá sadila ba-aplikasion ya mpamba yina vandá ndimá kaka nombre fioti ya bantu, mpe ya vandá ve na sekurite. Kasi ntangu yayi, bimvuka nyonso yina ke na sadilá Zoom lenda bwela nombre ya bantu na videoconference, mpe lenda landa balukutakanu na sekurite nyonso. Tii bubu yayi, bimvuka kuluta 65000 na kati ya babwala kuluta 170 ke na sadilá ba-compte ya Zoom.

 Kimvuka ya Kairagi na Manado, na Nord ya Sulawesi, na Indonésie, me bika aplikasion ya videoconference ya mpamba yina ba vandá sadila samu na kusadila ba-compte ya Zoom. Mpangi Hadi Santoso me zonza: “Ata bampangi ya kento na ya bakala yina zaba ve kusadila mbote-mbote ba-apareye ya elektronik, lenda sepela ntangu yayi na balukutakanu, mingi-mingi samu ti, ba ke dyaka ve na nsatu ba bwela bawu bambala mingi na lukutakanu mosi.”

 Lester Jijón, Jr., kuluntu mosi ya kimvuka ya Guayacanes Oeste na Guayaquil, na Equateur, me zonza: “Samu bampangi mingi ke ve na mbongo mingi, na yawu, ya zolá vanda mpasi na bimvuka ya nkaka na kusumba licence ya Zoom yina lenda sadisa kimvuka nyonso na kulanda lukutakanu. Bubu yayi, samu na organizasion ya Yehova, beto ke na ba-compte ya Zoom yina ke na sadisá beto na kubwela bantu mingi na videoconference. Na yawu, beto lenda bwela bantu ya nkaka na kulanda balukutakanu na beto.”

 Johnson Mwanza, kuluntu mosi ya kimvuka ya Ngwerere Nord na Lusaka, Zambie, me sonika: “bampangi mingi ya kento na ya bakala me zonza bambala mingi: ‘Ba-compte ya Zoom ke na sadisá ve beto kaka na kuvanda dyaka pene-pene na Yehova, kasi na kutala mpe faso Yehova ke kipeke mpe ke zolá beto.’”

 Ba me sumba ba-compte yayi na mbongo yina ba bumbá samu na kusadisa bampangi yina bamambu ya mpasi faso mipepe ya nene, bamvula ya nene, to bamambu ya nkaka ya mpasi ke kuminaka. Mbongo yayi ke katuká na makabu yina bantu ke salá na ntima mosi na yinza nyonso. Mingi ya makabu yayi ke salamá na site donate.pr418.com. Matondo mingi na makabu yina beno ke salá na ntima ya mbote, mpe yina ke na sadisá na kulungisa bisalu ya nkaka na yinza nyonso.—2 Bakorinto 8:14.