Tanga Bazuzi 11:30-40 mpe benda bileso na disolo ya Yefte na mwana ya yandi ya kento na yina me tadila kuzitisa bansilulu yina beto me sala.

Tala bamambu nyonso yina lenda sadisa na kubakula disolo. Wapi mutindu bana ya Izraele vanda bakilaka bansilulu yina ba vanda salaka na Yehova? (Lut. 30:2) Wapi mutindu Yefte na mwana ya yandi lakisaka ti ba vandaka na kiminu na Yehova?—Baz. 11:9-11, 19-24, 36.

Sosa mbote-mbote. Yinki Yefte vanda sosa kuzonza ntangu yandi zonzaka ti: ‘Konso muntu yina ke basika na mwelo ya yinzo ya munu samu na kukwiza kukutana na munu . . . munu ke pesa yandi mutindu dikabu ya kuyoka?’ (w16.04-F 7 §12) Yinki Yefte na mwana ya yandi ndimaka kusalaka samu yandi zitisa nsilulu yayi? (w16.04-F 7-8 §14-16) Wapi bansilulu ya mfunu bisadi ya Yehova lenda sala bubu yayi?—w17.04-F 5-8 §10-19.

Benda bileso. Nge lenda yufula:

• ‘Yinki lenda sadisa munu na kuzitisa nsilulu ya munu ya kusadila Yehova?’ (w20.03 13 §20)

• ‘Wapi bima ya mfunu mu lenda bika samu na kusala mingi ya kulutila na kisalu ya Yehova?’

• ‘Yinki lenda sadisa munu na kuzitisa nsilulu yina mu salaka na kento to bakala ya munu ntangu mu kwelaka yandi?’ (Mat. 19:5, 6; Efe. 5:28-33)