Beto ke kembilaka ve Yehova kaka na balukutakanu ya beto ya kimvuka, na balukutakunu ya nene, ya circonscription, kasi mpe na kulongoka ya beto mosi mpe na kati ya dikanda. Awa ke na mwa bamambu yina lenda sadisa nge na kulongoka ya dikanda mpe ya nge mosi:

• Kubongama samu na lukutakanu ya kimvuka. Na kati ya yawu beno lenda longoka banzimbu mpe kusadisa bantu nyonso na kati ya dikanda na kubongisa bamvutu.

• Kutanga masolo ya Biblia. Na manima beno lenda sala mwa ba dessins na bamambu yina beno me tanga, mpe kusonika yina beno me longoka.

• Beno longoka balusambu yina ke na kati ya Biblia mpe beno solola na faso yina ya lenda sadisa beno na kubongisa balusambu ya beno.

• Beno tala bavideo yina ke na jw.org mpe beno solola na yawu na bantu ya nkaka, to beno sonika mwa bamambu na yina me tadila yawu.

• Beno bongama samu na kusamuna. Na yawu, beno soola muntu mosi na kati ya dikanda yina ke vanda muntindumuntu yina beno ke na kwenda samuna mpe beno sadila na mantwala ya yandi malongi yina beno me bongisa samu na kusamuna.

• Beno tala mpe beno yindula na bima yina Yehova yidikaka, na manima beno solola na yina ya ke na longaka beno na yina me tadila Yehova. a