Tanga Kubanda 37:23-28; 39:17-23 samu na kulongoka mutindu Yozefi kangaka ntima ntangu ba salaka yandi mambu ya yimbi.

Sosa kuzaba disolo nyonso. Samu na yinki ba ya nkaka vanda bakilaka Yozefi na mutindu ya yimbi? (Kub. 37:3-11; 39:1, 6-10) Bantangu yikwa Yozefi zola kangaka ntima na mantwala ya bamambu ya yimbi yina ba salaka yandi? (Kub. 37:2; 41:46) Yinki Yehova salaka samu na Yozefi, mpe yinki yandi salaka ve samu na yandi na kati ya bantangu yina?​—Kub. 39:2, 21; w23.01 17 §13.

Sosa kuzaba mbote-mbote. Ata ti bamambu yina kento ya Potifare vanda zonza na nkumbu ya Yozefi vandaka ya luvunu, Biblia ke zonzaka ve ti Yozefi nwaninaka nzutu ya yandi. Wapi mutindu baverse yayi ke sadisaka beto na kukanisa samu na yinki Yozefi soolaka kuzonza ata kima, to samu na yinki beto me bonga ve kuvingila ti ba zonzila beto nyonso na yina me tadila disolo mosi? (Bin. 20:2; Yoa. 21:25; Bis. 21:37) Wapi bifu ya mbote sadisaka Yozefi na kukanga ntima na mantwala ya mambu ya yimbi yina ba salaka yandi?​—Mika 7:7; Luke 14:11; Zaki 1:2, 3)

Wapi yina ke bileso? Kanisa mwa fioti:

• ‘Mutindu kilandi ya Yesu, wapi mambu ya mpasi lenda kumina munu?’ (Luke 21:12, 16, 17; Ebr. 10:33, 34)

• ‘Wapi mutindu mu lenda bongama samu na kununga mambu ya yimbi yina ba lenda sala munu?’ (Nku. 62:7, 8; 105:17-19; w19.07-F 2-7)