Mingi ya bampangi ya beto ke talá ti masolo yina ke basiká na paje ya ntete ya site jw.org ke mfunu na kisalu ya kusamuna. Ya ke ve mpasi na kufilisa yawu na muntu na nzila ya appareil. Bantangu ya nkaka, ya ke lakisá mutindu bamambu yina ke na salamá bubu yayi ke na lungisá bambikudulu ya Biblia. Mpangi mosi ya bakala soniká ti masolo yina ke basiká na paje ya ntete ya jw.org, “ni yawu me lunga samu na mutindu ya kusamuna yina beto ke na sadilá bubu yayi.”

Kasi masolo yayi ke sobá ntangu nyonso. Na yawu, wa’ faso nge lenda sala samu na kuzwa masolo yina ke dyaka ve na paje ya ntete ya jw.org?

• Na paje ya ntete ya jw.org, nyema na “Tala bima ya nkaka.” Ya ke natá na paje yina ke na nkumbu “Yina me basika ntama mingi ve na paje ya ntete.” Kuna nge ke zwa masolo mingi yina me basika ntama mingi ve na paje ya ntete ya jw.org.

• Na jw.org to na JW Library, nyema na “Biblioteke,” mpe na “Bamambu ya mutindu na mutindu.” Na manima, nyema na “Bamambu ya nkaka.” Na kati ya kitini yayi, ya ke na masolo mingi yina vandá na paje ya ntete ya jw.org.