Kitini “Bima ya malu-malu” na JW Library mpe na jw.org ke lakisá masolo mpe bavideo ya malu-malu. Wa’ faso nge lenda sadila kitini yayi samu na kuzwa bima ya malu-malu yina me basika?

• Ntangu ba ke tulá kima ya malu-malu, “Masolo na internet” yina ke zonzilak’ yawu ke basiká na “Bima ya malu-malu.” Na yawu, ntangu “Masolo na internet” ke basiká na “Bima ya malu-malu,” nge lenda télécharger yawu. Ntangu nge ke fungula yawu, ni disolo ya malu-malu ke vanda na zulu, samu ti kuna ba ke tulá bima ya malu-malu na zulu.

• Ya lenda vanda mpasi na kutanga masolo ya yinda na mbala mosi. Kana nge me manisa ve kutanga disolo mosi, nge lenda tula yawu na “Bima yina mu me zola mingi,” samu ya vanda ve mpasi na nge na kutala yawu. Ntangu nge ke manisa kutanga yawu, nge lenda katula yawu kuna.

Bima ya nkaka mutindu bansangu ke basiká kaka na jw.org. Ya ke ve na JW Library. Na yawu, ntangu nyonso kwenda na “Bima ya malu-malu” na jw.org samu na kuzwa bima ya malu-malu.