Ya ntete na Timote 4:1-16
4 Kasi mpeve ya Nzambi ke zonzaka pwelele ti na bilumbu ya nsuka, bantu ya nkaka ke bika kiminu ya bawu mpe ba ke landa bamambu ya luvunu yina ke na talanaka mutindu ya me katuka na Nzambi mpe malongi ya bambazi ya yimbi.
2 Na nzila ya luvunu ya bantu yina ke mbote kaka na meso, bantu yina kimuntu ya bawu ya kati ke mutindu ba me yoka yawu na kisengo ya tiya.
3 Ba ke niminaka bantu na kukwela mpe ke pesaka bantu musiku ya kudya ve bima yina Nzambi yidikaka samu ba yina kele na kiminu mpe luzabu ya mbote ya matsyeleka, kudya mpe vutula matondo.
4 Samu konso kima yina Nzambi yidikaka ke mbote mpe ata kima kele ya kulosa kana beto kudya yawu na kuvutulaka matondo,
5 samu ya ke kumaka santu na nzila ya dyambu ya Nzambi mpe ya lusambu.
6 Kana nge pesa malongi yayi na bampangi, nge ke vanda kisadi ya mbote ya Kristo Yesu, yina ke dikisaka makanisi ya yandi na mambu ya kiminu mpe na malongi ya mbote yina nge landaka mbote-mbote.
7 Kasi losa masolo ya luvunu, mutindu masolo yina bakento ya kununa ke zonzilaka. Sala bangolo na mukanu ya kukulisa kukangama ya nge na Nzambi,
8 samu kuningisa nzutu samu na kutukuta* ke mfunu na mambu fioti, kasi kukangama na Nzambi ke mfunu na mambu nyonso, samu ya kele nsilulu ya luzingu ya bubu yayi mpe ya luzingu yina ke kwiza.
9 Beto me fwana kutula ntima na mambu yayi mpe kundima yawu na ntima nyonso.
10 Ni na yawu, beto ke salaka bangolo mingi mpe ke nwanaka samu beto tulaka kivuvu ya beto na Nzambi ya moyo, yina ke muvuukisi ya bantu ya mutindu nyonso, mingi-mingi ya bantu ya kukwikama.
11 Tatamana na kupesa musiku yayi mpe na kulonga yawu.
12 Kubika ve ata fioti muntu kuvweza buntwenya ya nge. Kasi, kuma kifwani samu na bantu ya kukwikama na nzonzolo, na ndyatulu, na luzolo, na kiminu mpe na bunkete.
13 Tatamana na kutanga na kati ya kimvuka, na kukindisa mpe na kulonga tekila mu kwiza.
14 Kubebisa ve dikabu yina kele na nge, yina ba pesaka nge na nzila ya mbikudulu ntangu kimvuka ya bakuluntu tulaka maboko na zulu ya nge.
15 Yindula na mambu yayi, kukipesa nge nyonso na yawu samu bantu nyonso tala ti nge ke na kwendaka na mantwala.
16 Sala ntangu nyonso keba na nge mosi mpe na mutindu ya nge ya kulonga. Tatamana na bamambu yayi, samu na kusalaka yawu, nge ke vuukisa nge mosi mpe ba yina ke na kuwaka nge.
Banote
^ To: “Sport.”
