Ya zole na Bakorinto 13:1-14
13 Yayi ni mbala ya tatu mu ke na kwizaka na sika ya beno. “Ya me fwana kuvanda na bambangi* zole to tatu samu na kulakisa kana mambu ke tsyeleka to ve.”
2 Ata ti mu ke ve na beno ntangu yayi, ya ke mutindu mu vandaka na beno na mbala ya zole, mpe mu ke na kebisaka ba yina salaka masumu mpe bantu nyonso ya nkaka ti kana mu vutuka dyaka, mu ke tala ve bawu kyadi.
3 Samu beno ke na sosaka mambu yina ke na lakisaka ti Kristo ke na zonzaka na nzila ya munu, yandi ke ve ya kulemba samu na beno, kasi yandi ke ngolo na kati-kati ya beno.
4 Ya tsyeleka, ba kufwaka yandi na zulu ya yinti, samu yandi vandaka ya kulemba, kasi yandi ke moyo na ngolo ya Nzambi. Ya kele mpe ya tsyeleka ti beto ke ya kulemba na yandi, kasi beto ke zinga kintwadi na yandi na nzila ya ngolo ya Nzambi yina yandi ke na lakisaka beno.
5 Ntangu nyonso beno tadila mbote-mbote kimuntu ya beno mosi samu na kutala kana beno ke na kati ya kiminu. Beno sosa kutala ntangu nyonso wapi mutindu ya bantu beno kele. Beno zaba ve ti Yesu Kristo ke na bumosi na beno? Ya ke vanda ve mutindu yina kaka kana Nzambi ke ve ya kundima beno.
6 Nzambi ke ndimaka beto. Ya tsyeleka, mu zola ti beno zaba yawu.
7 Ntangu yayi, beto ke na sambilaka Nzambi samu beno sala ata mambu mosi ya yimbi. Ya kele ve samu beto talana bantu yina ba ndimaka, kasi ya kele samu beno sala mambu yina ke ya mbote, ata ti beto lenda talana bantu yina ba ndimaka ve.
8 Samu beto lenda sala ve mambu yina ke ve ya kukwelana na matsyeleka, kasi kaka yina ke samu na matsyeleka.
9 Kasi beto ke sepelaka ntangu beto ke vandaka ya kulemba, kasi beno ke ngolo. Mpe ni mambu yayi beto ke na lombaka na lusambu: Ba sungika beno.
10 Ni na yawu mu ke na sonikilaka beno bamambu yayi ntangu mu ke na beno, samu ti ntangu mu ke vanda na beno mu sadila ve lutumu yina Nzambi pesaka munu samu na kusemba beno na ngolo nyonso. Mu sadila yawu samu na kutunga, kasi ve samu na kumwangisa.
11 Na kumanisa, bampangi, beno vanda ntangu nyonso na kilengi. Beno bika ba sungika beno, ba kindisa beno. Beno vanda na dikanisi mosi, beno zinga na kizunu. Na yawu, Nzambi ya luzolo mpe ya kizunu ke vanda na beno.
12 Beno pesana bambote na tiya nyonso.*
13 Basantu nyonso me filisa beno bambote.
14 Bika ti ntima ya kulutila mbote ya Mfumu Yesu Kristo mpe luzolo ya Nzambi mpe balusakumunu yina beno ke na kuzwaka na nzila ya mpeve ya santu, vanda na beno nyonso.
