Ya Marke 16:1-8
-
Yesu me vumbuka na lufwa (1-8)
16 Ntangu kilumbu ya saba lutaka, Maria ya Magdala, Maria mama ya Zaki mpe Salome sumbaka bamafuta ya nsunga ya kitoko samu na kukwenda pakula yawu na mvumbi ya Yesu.
2 Na suka-suka ya kilumbu ya ntete ya lumingu, ntangu bwisi vanda kutsya, ba kumaka na ndyamu.*
3 Ba vanda zonza bawu na bawu: “Nani ke katula beto ditadi yina ke na mwelo ya ndyamu?”
4 Kasi ntangu ba nangunaka meso, ba talaka ti ditadi vandaka ya kukatuka, ata ti ya vandaka ditadi ya nene mingi.
5 Ntangu ba kotaka na ndyamu, ba talaka ntwenya mosi ya bakala ya kuvanda na diboko ya bakala. Yandi vandaka ya kulwata lele ya yinda ya mpembe. Ya pamusaka bawu.
6 Yandi zonzaka na bawu: “Beno bika kupamuka. Beno ke na sosaka Yesu muntu ya Nazareti yina ba kufwaka na zulu ya yinti. Yandi me vumbuka na lufwa. Yandi kele ve awa. Beno tala, awa ni kisika yina ba tulaka yandi.
7 Kasi beno kwenda zonza na bilandi ya yandi mpe na Piere, ‘Yandi me tekila na Galile. Beno ke tala yandi kuna, kaka faso yandi zonzilaka beno.’”
8 Na yawu ntangu ba basikaka na ndyamu, ba kimaka. Ba vanda tekita mpe ya vanda lutila bawu. Ba zonzaka ata kima na ata muntu, samu ba vandaka na boma.*
Banote
^ To: “Ndyamu ya kubambuka.”
^ Na mikanda ya ntama yina ba sonikaka na maboko, mpe yina bantu ke tudilaka ntima, nsangu ya mbote ya Marke ke sukaka na verse 8. Tala Yina ba me bwela A3.
