• Yobi 37:20​—Wapi mutindu ba vanda pesaka bansangu na babwala yina Biblia ke zonzilaka? (it-1-F 503)

  Mvutu ya nge

• Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?

  Your answer

Samu na kutumama na musiku ya Nzambi na yina me tadila menga, dibuundu ya Yehova me pesa beto bima yina ke sadisaka beto na kusala yawu. (Bis 15:28, 29) Nge ke sadilaka kwandi yawu na faso ya mbote?

Mukanda ya DPA mpe ya Attestation individuelle (ic): Mikanda yayi ke zonzilaka pwelele mambu yina muntu lenda zola na yina me tadila nsalulu ya menga. Bampangi yina me kuzwaka mbotokolo lenda kuzwa mukanda ya DPA na kisika ya mpangi yina ke pesaka mikanda na Yinzo ya Kimfumu. Ba lenda kuzwa mpe Attestation individuelle (ic) samu na bana ya bawu ya fioti. Beto me lunga kuvanda ntangu nyonso na mukanda yayi kisika ni kisika beto kele. Kana nge ke na nsatu ya kufulusa mukanda yayi to kuzwa ya malu-malu, kuvingila dyaka ve.

Fiche d’information pour les femmes enceintes (S-401) mpe Informations pour les patients qui doivent subir une opération chirurgicale ou une chimiothrapie (S-407): Mikanda yayi lenda sadisa nge na kutula ve nzutu na mpasi, mutindu na mambu ya menga. Kana nge ke na kivumu, to nge ke na kimbevo yina ke na lombaka ti ba pasula nge (opération), to nge ke na nsatu ya kulanda traitement samu na kimbevo ya cancer, lomba mukanda yina me lunga na bakuluntu ya kimvuka.

Comité de liaison hospitalier (CLH): Na mambu ya menga, Bampangi ya CLH ke na makoki ya kupesa bansangu yina me lunga na yina me tadila mambu ya menga na ba docteurs mpe na bampangi yina ke samunaka. Ba lenda solola na docteur ya nge na manganga yina nge lenda baka samu na kukima kubwa na mambu ya kubwela menga. Ya lenda vanda mpe ti, ba lenda sadisa nge na kuzwa docteur yina ke ndima kutumama na bamambu yina nge zola. Nge lenda bokila bampangi yayi kilumbu ni kilumbu nge zola mpe na ntangu yina nge zola. Kana ya ke lomba ti nge lutisa bilumbu mingi na hôpital, ya vanda ti nge ke na kimbevo yina ke lomba ti ba pasula nge to mambu ya nkaka mutindu kulanda traitement samu na kimbevo ya cancer, to ata nge ke na kanisaka ti na kimbevo yina nge ke na yawu ya ke lomba ve ti ba bwela nge menga, kuvingila ve na kubokila bampangi ya CLH. Mambu yayi me tadila mpe bakento ya bivumu. Kana nge ke na nsatu ya lubakusu, lomba na kuluntu mosi ya kimvuka mutindu nge lenda sala samu na kuzwa bampangi ya CLH.

Lutisa VIDEO Wapi mutindu bampangi ya CLH lenda sadisa nge? Na manima yufula kyuvu yayi:

Wapi mutindu bampangi ya CLH lenda sadisa nge kana nge ke na kimbevo yina ke na lombaka ti nge landa traitement to yina ke na lombaka ti ba pasula nge?