19-25 Février
NKUNGA 8-10
Nzimbu 2 mpe lusambu | Mambu yina beto ke longoka (Min. 1)
1. “Munu ke kumisa nge, O Yehova”!
(Min. 10)
Yehova ke mbote mingi samu na beto (Nku 8:3-6; w21.08 3 §6)
Na kilengi nyonso beto ke pesaka Yehova nkembo ntangu beto ke zonzilaka bisalu ya yandi na bantu ya nkaka (Nku 9:1; w20.05 23 §10)
Beto ke pesaka mpe Nzambi nkembo ntangu beto ke yimbilaka yandi na ntima ya beto nyonso (Nku 9:2; w22.04 7 §13)
NGE LENDA YUFULA: ‘Wapi yina ke mitindu ya nkaka yina mu lenda pesa Yehova nkembo?’
2. Matadi ya ntalu ya kimpeve
(Min. 10)
-
Nku 8:3—Yinki musoniki ya nkunga yayi vanda sosa kuzonza ntangu yandi vanda zonzila misapi ya Nzambi? (it-1-F 663)
-
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?
3. Kutanga Biblia
(Min. 4) Nku 10:1-18 (th-F kileso 11)
4. Kubanda masolo
(Min. 3) YINZO NA YINZO. Mfumu ya dikanda me zonza na nge ti yandi ke kwikilaka ve na Nzambi. (lmd kileso 5 dikanisi 4)
5. Kuvutukila kutala muntu
(Min. 4) KUSAMUNA NA BANTU YINA BETO KE KUTANAKA BILUMBU NYONSO. Na disolo yina me luta, muntu zonzaka na nge ti yandi ke kwikilaka ve na Nzambi, kasi yandi me manga ve nge lakisa yandi bamambu yina ke na lakisaka ti Nzambi kele. (th-F kileso 7)
6. Discours
(Min. 5) w21.06 6-7 §15-18—Yintu dyambu: Sadisa balongoki ya nge ya Biblia na kupesa Yehova nkembo. (th-F kileso 10)
Nzimbu 10
7. Mutindu ya mbote ya kusamuna na bantu yina beto ke kutanaka bilumbu nyonso
(Min. 10) Disolo.
Mosi ya bafaso yina beto lenda pesa Yehova nkembo na bafaso ya kulutila, ni ntangu beto ke zonzilaka dyambu ya yandi na bantu yina beto ke kutanaka bilumbu nyonso, ya vanda na kisalu ya beto, na lukolo, mpe bisika ya nkaka. (Nku 35:28) Na kubanda, beto lenda vanda na boma ya kuzonzila bawu dyambu ya Nzambi. Kasi, kana beto longoka mutindu ya kubanda disolo mpe kulanda yawu na mutindu yina me lunga, beto lenda kuma bantu yina me zaba mbote-mbote mutindu ya kusala yayi mpe ntangu ya nkaka kusepela na yawu.
Lutisa VIDEO Vanda ya kukubama na kuzabisa “Nsangu ya Mbote ya kizunu”—Banda disolo. Na manima yufula kyuvu yayi:
Wapi mambu nge me longoka na video, yina lenda sadisa nge na kuzonzila dyambu ya Nzambi na bantu yina beto ke kutanaka bilumbu nyonso, ya vanda na kisalu ya beto, na lukolo, mpe na bisika ya nkaka?
Tala mwa bamambu yina lenda sadisa nge na kubanda disolo:
-
Ntangu nyonso nge ke basikaka na yinzo ya nge, sosa bafaso ya kubanda masolo. Sambila samu na yawu, mpe lomba na Yehova yandi sadisa nge na kuzwa muntu yina ke kuwa nge
-
Lakisa ntima ya mbote mpe ti nge ke tulaka bantu yina nge ke kutanaka na bawu dikebi. Sosa kuzaba mambu na muntu yina nge me kwiza tala yina lenda sadisa nge na kuzaba wapi verse nge me lunga kusadila
-
Kana ya ke vanda mbote, sosa kubaka numero ya yandi mpe bikila yandi numero ya nge
-
Kunyonga ve kana disolo ya beno manisa tekila nge zonzila dyambu ya Nzambi
-
Kanisa na yandi tekila beno solola. Tatamana na kulakisa ti nge ke tulaka yandi dikebi na kufilisaka yandi verse ya Biblia na message to disolo mosi na jw.org
Meka mambu yayi: Kana muntu yufula nge, ‘Wapi mutindu lumingu me luta?’ Zonzila mambu yina nge me longoka na balukutakanu to na kisalu ya nge ya kusamuna.
8. Bansatu ya kimvuka
(Min. 5)
9. Kulongoka ya Biblia ya kimvuka
(Min. 30) bt-F kikapu 6 §1-8, mpe kubanda ya kitini 2
