8-14 Janvier
YOBI 34-35
Nzimbu 30 mpe lusambu | Mambu yina beto ke longoka (Min. 1)
1. Ntangu ya ke talanaka mutindu ti mambu ya yimbi ke na kuminaka bantu ya mbote
(Min. 10)
Kuzimbana ve ti Yehova ke ata fioti ve na manima ya bamambu ya kukondwa lunungu (Yobi 34:10; wp19.1-F 8 §2)
Ya lenda talana ti bantu ya yimbi ke kuzwaka ve masembo samu na bamambu yina ba ke salaka. Kasi, ba lenda vanda ve ya kubumbana na meso ya Yehova (Yobi 34:21-26; w17.04-F 10 §5)
Mutindu ya mbote ya kusadisa bantu yina ke na talaka mpasi samu na bamambu ya kukondwa lunungu ke ni ya kuzonzila bawu dyambu ya Yehova (Yobi 35:9, 10; Mt 28:19, 20; w21.05 7 §19-20)
2. Matadi ya ntalu ya kimpeve:
(Min. 10)
-
Yobi 35:7—Yinki Elihu vanda sosa kuzonza ntangu yandi yufulaka Yobi: ‘Yinki nge ke pesa [Nzambi]?’ (w17.04-F 29 §3)
-
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?
3. Kutanga Biblia
(Min. 4) Yobi 35:1-16 (th-F kileso 10)
4. Kubanda masolo
(Min. 3) YINZO NA YINZO. Banda kulongoka ya Biblia. (lmd kileso 10 dikanisi 3)
5. Kubanda masolo
(Min. 4) KUSAMUNA NA BANTU YINA BETO KE KUTANAKA BILUMBU NYONSO. Lakisa na muntu yina ke na bana, mutindu yandi lenda kuzwa bansangu yina lenda sadisa bibuti na jw.org. (lmd kileso 1 dikanisi 4)
6. Beno kumisa bantu bilandi
(Min. 5) lff kileso 13 dikanisi 5 (lmd kileso 11 dikanisi 3)
Nzimbu 58
7. Nge ke kwandi na nsatu mingi ya “Kusamuna dyambu ya Nzambi” na bantu yina beto ke kutanaka bilumbu nyonso?
(Min. 15) Disolo.
Polo lombaka na Timote: ‘Longa nsangu, ya vanda ntangu ya mbote to ya yimbi.’ (2Ti 4:2) Nzonzolo ya Greke yina ba sadilaka awa samu na kuzonza “ya vanda ntangu ya mbote to ya yimbi” ba vanda sadilaka yawu ntangu ya nkaka samu na kuzonzila soda to kengedi yina ke na kisika ya yandi ya kisalu, mpe yina ke ntangu nyonso ya kukubama kana mambu salama. Nzonzolo yayi ke na lakisaka mbote nsatu ya beto ya kuvanda ntangu nyonso ya kubongama samu na kuzonzila dyambu ya Nzambi ntangu beto ke sololaka na bantu.
Luzolo ya beto na Yehova mpe nyonso yina yandi ke salaka samu na beto, ke nataka beto na kuzonzila bifu ya yandi ya mbote na bantu ya nkaka.
Tanga Nkunga 71:8. Na manima yufula kyuvu yayi:
Wapi mambu ya mbote na yina me tadila Yehova nge ke vanda na kilengi ya kuzonzila na bantu ya nkaka?
Luzolo ya beto samu na bantu ke nataka mpe beto na kuzonzila dyambu ya Nzambi na bantu yina beto ke kutanaka na bawu na banzila mpe bisika ya nkaka.
Lutisa VIDEO Mutindu bantu 1 000 kuzwaka matsyeleka ya Biblia. Na manima yufula kyuvu yayi:
-
Wapi mutindu kuzonzila dyambu ya Nzambi na bantu yina beto ke kutanaka na bawu na banzila to bisika ya nkaka sadisaka bantu mingi na kuzaba matsyeleka ya Biblia?
-
Wapi bamambu ya mbote kulongoka matsyeleka ya Biblia natinaka bampangi ntangu ba vandaka na dibuundu mosi na ntama?
-
Wapi mutindu luzolo ya beto samu na bantu ke nataka beto na kuzonzila bawu dyambu ya Nzambi kisika ni kisika beto ke kutanaka na bawu?
-
Samu na yinki nge me kanisa ti mutindu ya kusamuna yayi ke mbote na kusadisa bantu ya nkaka na kulongoka kuzaba Yehova?
8. Kulongoka ya Biblia ya kimvuka
(Min. 30) bt-F kikapu 4 encadré ya p. 33
