29 Juillet–4 Août
NKUNGA 69
Nzimbu 13 mpe lusambu | Mambu yina beto ke longoka (Min. 1)
1. Wa’ faso Nkunga 69 zonzilaka na mantwala luzingu ya Yesu
(Min. 10)
Ba yiinaka Yesu ata ti mambu ya kuyiina yandi vandaka ve (Nku 69:4; Yoa 15:24, 25; w11-F 15/8 11 §17)
Yesu vandaka na manzangu na yina me tadila lusambu ya tsyeleka (Nku 69:9; Yoa 2:13-17; w10-F 15/12 8 §7-8)
Yesu talaka mpasi mingi mpe ba pesaka yandi vinu ya ngayi (Nku 69:20, 21; Mt 27:34; Lk 22:44; Yoa 19:34; g95-F 22/10 31 §4; it-2-F 600)
YINDULA NA MAMBU YAYI: Samu na yinki Yehova tulaka bambikudulu na yina me tadila Masiya na kati ya kitini ya Biblia na ndinga ya Ki-Ebre?
2. Matadi ya ntalu ya kimpeve
(Min. 10)
-
Nku 69:30, 31—Wa’ faso baverse yayi lenda bongisa faso ya beto ya kusambila? (w99-F 15/1 18 §11)
-
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?
3. Kutanga Biblia
(Min. 4) Nku 69:1-25 (th-F kileso 2)
4. Vanda na ntima ya yinda—Yinki Yesu salaka
(Min. 7) Disolo. Lutisa VIDEO, mpe na manima beno solola na lmd kileso 8 makanisi 1-2.
5. Vanda na ntima ya yinda—Landa kifwani ya Yesu
(Min. 8) Disolo na lmd kileso 8 makanisi 3-5, na “Tala mpe.”
Nzimbu 134
6. Bansatu ya kimvuka
(Min. 5)
7. Malongi samu na kulongoka ya dikanda ya nkokila
(Min. 10) Disolo.
Na Janvier 2009, ba vukisaka Kulongoka ya Biblia ya kimvuka na balukutakanu, École du Ministère Théocratique mpe Réunion de Service. Na yawu, ya kumaka kaka na lukutakanu mosi na kati ya lumingu. Ya sadisaka makanda na kuvanda na kilumbu mosi na kati ya lumingu samu na kusala kulongoka ya dikanda na nkokila. Bampangi mingi zonzaka ti mambu yayi sadisaka bawu na kukuma dyaka pene-pene na Yehova mpe na bantu ya dikanda ya bawu.—Kul 6:6, 7.
Wapi malongi lenda sadisa bamfumu ya makanda na kuvanda na kulongoka ya dikanda ya mbote konso lumingu?
-
Sala ti ya salama konso lumingu. Beno lenda soola kilumbu yina beno ke sala yawu konso lumingu. Beno lenda soola mpe kilumbu ya nkaka yina beno ke sala yawu, kana beno me lenda ve kulongoka na kilumbu yina beno soolaka
-
Bongama. Solola na kento ya nge mpe ntangu ya nkaka beno lenda lomba na bana makanisi ya bawu. Beno ke ve na nsatu ya kubaka ntangu mingi samu na kubongama, kana beno ke na kifu ya kusalaka bamambu nkaka kintwadi konso lumingu
-
Soola bamambu ya kulongoka na kutadilaka bansatu ya dikanda ya nge. Ntangu bana ke kulaka, bansatu, ngolo mpe mayela ya bawu ke sobaka. Bamambu yina beno ke soolaka na kulongoka ya dikanda me bonga kusadisa mosi na mosi ya beno na kukula na kimpeve
-
Sala ti ya vanda ntangu ya kitoko mpe ya kilengi. Bantangu ya nkaka, beno lenda soola kulongoka na ngaanda. Kana ya ke mfunu beno lenda baka mwa ba pauses. Ntangu beno ke sololaka na bamambu yina bana ke na kutanaka na yawu, ya ke vanda ve mbote na kusadila kulongoka ya dikanda samu na kusemba bawu to kuzonzila bamambu ya yimbi yina ba ke salaka
-
Soba bafaso ya kusala. Na kifwani, na kulongoka ya beno ya dikanda, beno lenda zonzila mambu mosi yina beno ke longoka na lukutakanu ya kimvuka. Beno lenda tala video na jw.org mpe kuzonzila yawu. Beno lenda bongisa masolo mpe faso ya kuzonzila yawu na bantu. Kulongoka ya dikanda ke samu bantu nyonso ya dikanda solola. Ata faso yina, beno lenda bongisa mwa ntangu, na ntangu ya kulongoka ya beno samu ti mosi na mosi ya beno sala kulongoka ya yandi ya Biblia.
Beno solola na kyuvu yayi:
-
Wa’ faso nge mekaka kusadila malongi yayi na kulongoka ya beno ya dikanda?
8. Kulongoka ya Biblia ya kimvuka
(Min. 30) bt-F kikapu 13 §8-16, encadré ya p. 105
