29 Avril–5 Mai
BANKUNGA 34-35
Nzimbu 10 mpe Lusambu | Mambu yina beto ke longoka (Min. 1)
1. “Kembila Yehova ntangu nyonso”
(Min. 10)
Ata na kati ya bampasi Davidi bikaka ve kusambila Yehova (Nku 34:1; w07-F 1/3 22 §11)
Davidi vanda pesaka lukumu na Yehova kasi ve na yandi mosi (Nku 34:2-4; w07-F 1/3 22 §13)
Balusambu ya Davidi pesaka bukindi na bampangi ya yandi (Nku 34:5; w07-F 1/3 23 §15)
Ntangu Abimeleki vuukisaka Davidi, bantu 400 yina vandaka na mambu na Saule kwizaka kisika mosi na yandi. (1Sa 22:1, 2) Ya lenda vanda ti bantu yayi vandaka na Davidi ntangu yandi sonikaka Nkunga.—Nku 34, suscription.
NGE LENDA KUKIYUFULA: ‘Wa’ faso mu lenda kembila Yehova ntangu mu ke sololaka na muntu na manima ya lukutakanu?’
2. Matadi ya ntalu ya kimpeve
(Min. 10)
-
Nku 35:19—Yinki Davidi vanda sosa kuzonza, ntangu yandi lombaka ti ba bika ve bambeni ya yandi “kubweta meso”? (w06-F 15/5 20 §2)
-
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?
3. Kutanga Biblia
(Min. 4) Nku 34:1-22 (th-F kileso 5)
4. Kubanda masolo
(Min. 2) KUSAMUNA NA BANTU YINA BETO KE KUTANAKA BILUMBU NYONSO. Zenga disolo tekila nge zonzila Biblia. (lmd kileso 1 dikanisi 4)
5. Kuvutukila kutala muntu
(Min. 4) KUSAMUNA NA BANTU YINA BETO KE KUTANAKA BILUMBU NYONSO. (lmd kileso 2 dikanisi 4)
6. Zonzila kiminu ya nge
(Min. 5) Démonstration. ijwfq-F 59—Yintu dyambu: Wa’ faso Bambangi ya Yehova ke talaka kana kilumbu ya kusala ve ke mbote? (th-F kileso 17)
Nzimbu 59
7. Bafaso tatu ya kukembila Yehova na balukutakanu
(Min. 15) Disolo.
Beto tala bafaso tatu yina balukutakanu ya kimvuka ke pesaka beto bweso ya kukembila Yehova.
Masolo: Ntangu nge ke na sololaka na bampangi ya nkaka zonzila bumbote ya Yehova. (Nku 145:1, 7) Nge me tanga to nge me kuwa mambu mosi yina me simba ntima ya nge? Nge ke kwandi na mambu ya kitoko yina nge kutanaka na yawu na kisalu ya kusamuna? Ya ke kwandi na muntu yina me kindisa nge na bamambu yina yandi me zonza to yina yandi me sala? Na bima yina Yehova salaka ya ke kwandi na kima mosi yina me simba ntima ya nge? Bima nyonso yayi ke kaka makabu ya Yehova. (Zaki 1:17) Kwiza na mwa ntangu tekila balukutakanu banda samu na kuzwa ntangu ya kusolola na bampangi ya nkaka.
Pesa bamvutu: Na balukutakanu ya kimvuka, sosa kupesa mvutu ata mosi. (Nku 26:12) Nge lenda pesa mvutu yina ke na mukanda, nge lenda zonzila verse mosi ya Biblia, kizizi to faso ya kusadila yawu na luzingu. Samu ti bantu ya nkaka ke nanguna diboko ntangu mosi na nge, nge me bonga kubongisa bamvutu mingi. Kana bamvutu ya beto vanda kaka nkufi, ya ke sala ti mingi kuzwa bweso ya “kupesa na Nzambi masiika mutindu munkayulu”.—Ebr 13:15.
Banzimbu: Yimba na kilengi nyonso banzimbu ya lukutakanu. (Nku 147:1) Na kimvuka yina bantu ke mingi, ba lenda baka ve nge samu na kupesa mvutu na lukutakanu. Kasi ntangu nyonso, nge lenda kembila Yehova na beto na banzimbu. Ata nge zaba ve kuyimba, ntangu nge ke salaka bangolo samu na kuyimba, Yehova ke yangalalaka (2Ko 8:12) Nge lenda bongoma na kuyimbaka na yinzo.
Lutisa VIDEO Disolo ya beto na bizizi: Banzimbu, dikabu ya kitoko (Kitini 1). Na manima yufula kyuvu yayi:
Bubu yayi wa’ faso beto me lakisa ti kukembila Yehova na banzimbu ke nfunu samu na kimvuka ya beto?
8. Kulongoka ya Biblia ya kimvuka
(Min. 30) bt-F kikapu 9 §1-7, kubanda ya kitini 3 mpe encadré ya paje 70
