17-23 Mars
BINGANA 5
Nzimbu 122 mpe lusambu | Mambu yina beto ke longoka (Min. 1)
1. Kima kinsuza
(Min. 10)
Kinsuza lenda vanda mutambu (Bin 5:3; w00-F 15/7 29 § 1)
Kinsuza ke nataka mawa mpe manyongo (Bin 5:4, 5; w00-F 15/7 29 § 2)
Vanda ntama na kinsuza (Bin 5:8; w00-F 15/7 29 § 5)
Mpangi mosi ya kento me manga kupesa nimero ya yandi na bakala mosi
2. Matadi ya ntalu ya kimpeve
(Min. 10)
-
Bin 5:9—Wa’ faso kusala kinsuza ke kupesa “lukumu na bantu ya nkaka”? (w00-F 15/7 29 § 7)
-
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?
3. Kutanga Biblia
(Min. 4) Bin 5:1-23 (th-F kileso 5)
4. Kubanda masolo
(Min. 3) KUSAMUNA BISIKA YINA BANTU KE MINGI. Bokila muntu yina ke ve mukristo na kilumbu ya kubambuka moyo lufwa ya Yesu, mpe sadila jw.org samu na kuzwa kisika yina lukutakanu yayi ke salama na kisika yandi kele. (lmd kileso 6 dikanisi 4)
5. Kuvutukila kutala muntu
(Min. 4) YINZO NA YINZO. Na disolo ya beno ya ntete, muntu ndimaka mukanda samu na kubambuka moyo lufwa ya Yesu mpe lakisaka ti yandi sepelaka. (lmd kileso 9 dikanisi 5)
6. Kukumisa bantu bilandi
(Min. 5) lff kileso 16 na bunkufi, mambu ya kusimba, na yina nge lenda sala. Ntangu mulongoki ya nge me yufula kana Yesu vandaka ya kukwela, lakisa yandi mutindu ya kusosa na mikanda ya beto samu na kuzwa mvutu. (lmd kileso 11 dikanisi 4)
Nzimbu 121
7. Yinki nge lenda sala samu nge vanda ya kuvedila, ntangu nge ke na zabasanaka na muntu samu na makwela?
(Min. 15) Disolo.
Kusosa kuzabana samu na makwela zola zonza kulutisaka ntangu kintwadi na muntu yina nge ke zolaka mpe yina ke zolaka nge. Kulutisa ntangu yango lenda salama na meso ya bantu nyonso, kisika ya beno zole, na nzila ya telefone to na ba messages. Samu na Bambangi ya Yehova, kusosa kuzabana samu na makwela ke ve kaka kulutisa ntangu ya mpamba. Ya ke ve mambu ya kusakana, samu ya ke mambu yina ke nataka bantu na kukwelana. Yinki lenda sadisa bantwenya to bantu ya kukula yina ke na zabasanaka samu na makwela na kubwa ve na kinsuza?—Bin 22:3.
Lutisa VIDEO Kubongama samu na makwela—Kitini 1: Mu ke kwandi ya kubongama na kuzabana na muntu mosi samu na makwela?—Ndambu ya video. Na manima yufula byuvu yayi:
-
Samu na yinki muntu yina ke ve ya kubongama samu na makwela me bonga ve kusosa kuzabana na muntu samu na makwela? (Bin 13:12; Luke 14:28-30)
-
Yinki nge me zola na mutindu bibuti me sadisa mwana ya bawu ya kento?
Tanga Bingana 28:26. Na manima yufula byuvu yayi:
-
Wa’ faso bantu zole yina ke na zabanaka samu na makwela lenda bongisa bamambu samu na kuvanda ve na kisika yina ba ke kaka bawu mosi?
-
Samu na yinki na kubanda ya ke mfunu na kusolola mbote-mbote na yina beno lenda sala to ve samu na kulakisa luzolo, mutindu kusimbasana maboko mpe kupesana babizu?
Tanga Baefeze 5:3, 4. Na manima yufula kyuvu yayi:
-
Na ntangu bantu zole yina ke na zabanaka samu na makwela ke sololaka na telefone to na nzila ya internet, na yinki ba me bonga kusala keba?
8. Kulongoka ya Biblia ya kimvuka
(Min. 30) bt-F kikapu 24 § 1-6
